محتاجك انه
ما أريد أنگلب ماريد أغير الرأي
وگولن ما ترد لي وملتهي بغيري
ألك اكتب قصايد من دموع العين
ولا مكتوب منك يجبره ألكسري
طبعا عل الخواطر تكتب وملهوف
يافحل الخواطر ما تشف صدري
بلساني أطلبته بس تردلي بزود
بس انه أغفلت أنسيت ياصگري
طبعا ما ألومك حاير ومشغول
والشعر ألكتبته بياقسم تدري ؟
ما أنكر ابد فضلك عليه اهواي
لعيونك كتبت وما خلص حبري
محتاجك انه وبچفك انت الماي
ترضاه أجي وللبصرة انه اجري
(مگلوب الزمن) انه أكتبته بليل
قصيده من الصور بيه بعدد شعري
أعجزت أترد عليه وانه افخر بيك
وعلى (الهذيان) ردك دوخه الامري
بيك ومن وفاء اكتب انه بإعزاز
ولو تحتاجني انطيك كل عمري
يا سر السرور وبيك كل الأسرار
وأسرارك حبيبي بيدي وبسري
وطلب واحد أريدن انت تبقى وياي
ولا تنسى السبب ليش أكتبت شعري
سلام الدراجي