منجل بخت

[امير السلمان]

وشيعت بين انه تخلبصت بالضــــيم
اوصيت الاجدام بحذر من تمـــــشي
اجم موته متـــــت موذله موت ابزود
وجفوف الغيره شالن عالمتن نعــشي
ومن كد مادمع بالعـــــين طك طوفان
طاحت عيني شيردهه الـــستر رمشي
صرت منجل بخت لازمني جف فلاح
انحنيت الكاع ثكله ارتاحت الحـــــشي
انه الترجمو عشي اللغــــــــــات العوز
ولهسه انه الطــــــــيور تسولف بعشي
اليطب الحضرتي يبـــسمل كبل ليفوت
بعينه يشوف لوحت بســـــــمله بعرشي
اليجيني ابوجه ذيب بليل كله ســـــيوف
وعلي بتك عين اشــوفه وبالرغم تعشي
مالثمت جرحي ولبـــــــــــــسيته ضماد
واضح لليـــــــــــــشوفه وموش متغشي
اعرف الحيه وين بيامجان تبــــــــــات
فطن هيج انه طبعي محـــــسب الكلشي
اذا الحمزه اميزه ابنص ضــــمير الدين
مامعقوله اذن مامـــــــيز الوحشــــــــــي

امـــير السلمـــــان
ســــــــوق الشــــــيوخ

[ابو فاطم]

الله الله
يسعدني ان اكون اول المارين بقصيدتك الرائعة
جميلة حقا اخي امير
وننتظر القادم ان شاء الله
تحيتي لك اخي وخالص تقديري

[الشايب العراقي]

كل الود والتقدير
دمتِ برضى من الرحــمن
لكِ مني خالص احترامي

[امير السلمان]

شكرا لك ايها الاخ الفاضل foraten.net/?foraten.net/?foraten.net/?foraten.net/? السالم
تقبل تحياتي يااخي الكريم

[امير السلمان]

اني اشكرك من اعماقي على مشاعرك الطيبه اتجاهي تقبل مروري
مع التقدير

[امير السلمان]

قائد جنــــــــتلك كبل جـــتـان الكلب راسلك
وياك قلمــــــــــي شكثر خط عالورق راسلك
جرحي اعتنه الحضرتك عاف البــشر راسلك

دوامه بــــــــــيه الوهم داخل صـــرت منحني
وبصدري شد اوســـــــــمه وبيده الوهم منحني
لاكن اضل معتلي ومثل الجـــــــــبل منحني
ولاكن ابد مــــــــــااذل يوم واطخ راسلك

2
بيت ابومعيشي الكصب منه ابتدت كصتي
قفل البذيه صبح سيف يعرف كصتي
ولهذا شالت خجل هور الوطن كصتي

من حيث بيتي شكص داير مداير كصب
قلمي بقوافي السلف حديته وشكد كصب
لاكن زماني عدو بليل المصايب كصب

بروحي وقهر مالكت ربعي البكد كصتي

امـــير السلمـــــان