رفس مذبوح

[عباس الفرطوسي]

گلبي يريد يفارگ جسمي بلايا وداع يريد يروح
والروح تريد تفارگني وأصفى آنه وحيد بلا روح
يالداويت العله بأيدك يالخيطت شگد جروح
داويت ورايد تجرحني وابقه آنه معلعل مجروح
يالخليت البسمه بشفتي .. تريد تبدلها ويه النوح
ترحل غفله وتكسر گلبي الظل مفطّر مثل اللوح
أرفس فوگ الگاع برجلي وشينفع رفس المذبوح

[شاكر الهلالي]

قصيده جيده ولكنها من بحرصعب

عموما شكرا لك أخي العزيز

تحياتي لك ولجهدك المميز 0

[عباس الفرطوسي]

قصيده جيده ولكنها من بحرصعب

عموما شكرا لك أخي العزيز

تحياتي لك ولجهدك المميز 0

حبيبي الغالي ابو محمود ... ان شاء الله ماكو صعب ... انت اعرف بها انها من وزن
( العگيلي ) وهو وزن يعتمد على موسيقية الاذن بشكل مباشر ... احببت ان انوه هنا لانك استاذنا ومنك نتعلم لكن هذا التنويه يخص الاخوه والاخوات الغير شعراء .. شكرا لما جدت به

[الشيخ ابوحيدر]

مااجمل مانثرت يالغالي
وحقيقه يتذوقها من يقرئها
مره اومرتين وقد اجدت وابدعت
فالعكيلي لون جميل وتتلذذبه الاذن قبل
العين والسماع يصبح اروع شكراً لروحك
يالغالي

[الكناري يونس الجبوري]

يبوو عالابداع يبوو

يا اخي شريد اگول عنك !!؟ مذهل ؟؟ لا والله اكثر من مذهل
عاشت ايدك وصح لسانك اخوي الغالي
واعذرني لونت قصيدتك فقط من اجل ان يقرأها المتلقي بصوره صحيحه كلما يخلص لون يقف ومن ثم يواصل فاعذر تدخلي لصالح هذه الرائعه
تقبل مروري
وتحيتي لك

[عباس الفرطوسي]

مااجمل مانثرت يالغالي

وحقيقه يتذوقها من يقرئها
مره اومرتين وقد اجدت وابدعت
فالعكيلي لون جميل وتتلذذبه الاذن قبل
العين والسماع يصبح اروع شكراً لروحك

يالغالي

كلك ذوق اخي ابو حيدر ... نورت متصفحي

[عباس الفرطوسي]

حبيبي الغالي يونس
اقسم لك انني استأنس بردودك الجميله المفعمه بالحب والاخوه .. شكرا لك من الاعماق ... اما بخصوص تصرفك بالقصيده فالشعر لكم وانا منكم فلك كل الصلاحيات حبيبي الغالي بما تجده مناسبا.. لك وافر التقدير

[أنثى شرقية]

ترحل غفله وتكسر گلبي الظل مفطّر مثل اللوح
أرفس فوگ الگاع برجلي وشينفع رفس المذبوح


اي والله وصح لسانك
وعاش نبضك وسلم قلمك
ننتظر جديدك دوما
تحياتي