باجر البسمه تردلك من جديد

[غفران الحزين]

شون تحسبها بحسابك انا راضي
كَول خان ونكر وتبرى وهجر
كَول شامت كَول قاسي كَول اناني
كَول ما صان الوفا وباع وغدر
براحتك كَول اليعجبك مستريح
وادري كَلبي امن الخجل ماله عذر
ياما ليلي الامس يبجي اعله النجوم
وشكَد حزن شاف اعله فركَات الكَمر
صح صعب هجرك علي لكن شكَول
ماني رايد ابتعد حكم القدر
وادري من بعدك عذاباتي تزود
وادري اتحمل آسى وظيم وقهر
يالعزيز الجرح مو سهله يطيب
ومنهو يلحم جام لو مره انكسر
جان الك رمش وهدب يبجي عليك
وانت يمي شلون لو طال السفر
ارحل اترجاك ارحل لا تعود
وخلي اعمي بفركَتك حتى النظر
حبنا غلطه وما اخليها تدوم
مو صحى بغفله الضمير الي اندثر
لازم ابعد لا تكَلي ابقى معاي
وخلني شبه الطير لو وادع بحر
وداعت العشره فلا تسألني ليش
كَول خاين عادي وانسد الامر
انسى وامشي ولملم ازهاب الرحيل
وعوف كَلبي ينام بحظان الجمر
وخلها ذكرى والعمر بس ذكريات
وخلي كلمن يمشي ويبقي ذكر
باجر البسمه تردلك من جديد
واني ادري اهواي محتاجه صبر
وانا بعدك ماني ماطالب مستحيل
كون بيدك لو متت تحفر حفر
حطني غادي وبيدك اتسد العيون
وكتب بدمع الهدب مو بالحبر
وحطلي ورده اتفوح ريحة بغير شوك
وكون تزرعها عدل يم الكَبر

[العراقي]

مشكور اخي على كل ما تقدمه في المنتديات الادبية

تحياتي

[العراقي الطيب]

ياغالى مشاركة اغلى واختيار متفنن تحياتى الك

[غفران الحزين]

شكرا اخي العراقي والعراقي الطيب
على مروركم الجميل