اخذني وياك
چملني بعد گطره وخذني وياك
هناك الفيض گلبك
حتى روحي تنام
عصفورة جرف بلل جنحها الگيض
اخذني وياك
امشي ابغير واهس والطواري گصار
وعيوني غرب وجفوف اديه اوداع
واسمي ابغير معنى وميل كحلك غاب
وتنشدني اعله گلبي !
گلبي حب وذاب
ياگلبي حلگ تنور ؟؟ لو سرداب ؟
صوغني .. ولو من ليلكم نجمه
تبات وياي
ومن تشبع سهر ؟؟ويجيسها الوهواس ؟؟
اطفيها ابصبح.. والغبشه رشگه ماي
واشعلني ولع ..يدوي العطش بالعود
حتى انزع جلد روحي وارد لصباي
أملني الفرح بسمك ورد عالباب
فاحت ريحته ولنك بعد ماجاي
بعد ماجاي !!
من ياصوت أصيحك ؟
والصدى ايجاريك
واگلك : مگدرت يالتگدر ابلياي
................................................
للرائع عريان السيد خلف
رد مع اقتباس
رد: اخذني وياك
