[quote=الشيخ ابوحيدر;926255][quote=زهير العقابي;926136]اخو خيته اليهد ويحارب الريح
يتسرفن للمنايا وكله هِمّه
يضحك لو نزف جرحه ويداويه
يلك اصوابه والدم مايهمّه
يشد احزامه غيره ويركب الموت
ويشب نار ويهد بالف زلمّه
انه حزمة زلم تدريني لو هديت
وشبه الزلم تجفل لو تكلمّه
انه امي العراق وبابل واشور
ولمثلك لقيط وياهو امّه
انه اصل القوافي ونخله عيب تموت
وانت من الحجي متجيد جلمّه
انه عكال غيره وشرف ما ينضام
يلمغلغش بشيلة حرمه غمّه
انه بتشرين صدري نترس جيلات
وانته النكسه كلها ونته رمّه
ونه الجولان تشهد يوم شلت الموت
ومن هدو علي راسك تضمّه
انه حسين بأبائه وانه جف عباس
ونه سيفي المنايا ماتثلمّه
ترد فضل العليك وتعلن ارهاب
ياشبه الزلم يا اصل حرمّه
زهير العقابي
اناحزام الزلم لويوم هديت
وغيري مدثروخيعون أمه
يالمخلص العمركَاعد بالفياي
ونه بشمس الاصيله يفور دمه
يالاسمك رجل شوأبدمامحسوب
بحساب الزلم من راي غمه
خليني اكلك بعدماهمنيش
لونابك طلع ونترس سمه
عليك الطفل يضحك والله اخليه
أذامنك شفت فديوم همه
اسطرك عل عينك لوتدنيت
يالمندعي بخاله وعاف عمه
دباوع شوف روحك لوتمريت
يالتجري القذاره باصل دمه
العقابي الروعه تقبل مني هذا الرد
وان كان لايرقى لماتنثرمن باقات
ورد وياسمين وجروح والم
اخوك الشيخ ابوحيدر
اخي الرائع
ابو حيدر
تواجدك الدائم
دليل التزامك وحبك
للشعر وللشعراء
ولردودك الجميله
كل تحايا الحب
دمت اخي بالف خير