(( ***** جيوب القاط ؟؟ *****
مانسينه الجرح حتى اتحط جديد !!!
بعدنه ابثوب حزنك مافرح شفناه
ولاحتى ابتسامه انشيل بيهه الجيد
وبعدهه الامهات امشككات الزيج
واليتامه اتلوع والحاكم مجيد !!!
وكلمن لبس قاط ؟؟ ايظل مجيد !!!
وكلمن مله اجيوبه ؟؟؟ ايظل مجيد !!
وآنه واحد من الف صارتلي سوله
أستعد للقاط وارجف من بعيد
حكام الشراسه اتشيل بينه النار
تشعلنه حطب للنار خاف اتهيد
مانسينه الجرح .. ودموعنه ابناعور
تغرف ماتكف حتى ابصباح العيد
والمجيد ؟؟؟؟ ابين هيبه
وبين نفخة جيب ؟؟
داس اعله اليتامه ورافعلهم ايد
ولجل ترس اجيوب لابد نحترك
ولابد انصير الحطب ونظل عبيد
تاجر ابسوك الكلام ويدعي الاصلاح
ندري بي تمساح ومناصر يزيد
والعمايم ؟؟؟؟؟ كلمن امفصل ديانه
وياحلال وياحرام !!!!
من دجلهم رشو اعلينه مبيد !!!
واحنه من طبع الجبل نعلا ابشموخ
وتتعب اهل الفوس بالصخر العنيد
وهم تزول وداعت اعيون الصباح
الحراره اتذوب اشكال الجليد
الحراره اتذوب اشكال الجليد
***** بقلمي *****