تعت مني القصيده
وتعتنيك بليل
تسولفلك علي
شلوني بدونك !
احركت خدي الدموع
وانت عني بعيد
عيوني والكلب والروح
يردونك !
كتبت اسمك قصيده
اباب جنح الليل
وارسمت لوعة ضنوني
شكثر يردونك
نوبات الحلم يبجي
عيون الاه
وموحش كل حلم ماريده
من دونك
يل تانيك عمري
واني هم تانيت
يدورّن بالهموم
افراح يلكونك !
لاتنشر علي غسل
باقي الناس
حبل اني بشمس بس
باقي لعيونك !!
شر اعليه روحك
ما اكلك ليش
واحجيلي التريده
وكول شنو تريد
روحي وعكلي واذاني
اليسمعونك !
وما اطول عليك الحجي شيكضيه
واخاف من السوالف فاض ماعونك
لا تشكي وتهم ولا يمرك غيض
الغالي والرخيص
افديه لعيونك !
اذا تريد بابي دكه يمته تريد
وتتكحل عتبته بكحلة جفونك !
يايبدر محبه ويانبع فياض
ومقصرين,والله شما يسموك
ظل كلبي عليك
وجيه ما اجيت اليوم
وما اكدرله كلبي مضيع بدونك !
ادور عن مكانك بلكي مر منا
وهنيال العيون الي يشوفونك
والف هنيال اهلك
جيه يشوفونك ...