معذره الى اخواتي
اكو بعض من الاحوامل
يشلعن الروح
عندي صديق في المنتدى
اليوم راد مني نصيحه الى زوجته
هي حامل
يستاهل
هو طلب نصائح
الف عافيه
يمكن راحة تعلك
هي ترى تسليه
السلام عليكم اختي الحامل
اقصد بالحامل هي التي في بطنها جنين وليست حامل مشاعر الحب والموده
طبعا الحامل لازم تتلتزم بنصائح مهمه حتى تحافظ على جنينها
اختي الحامل وخاصتنا اول مره يعني البكريه اولا مبروك عليج الحمل وان شاء الله
ولاده سهله راح تعرفين انتي حامل راح يصير
عندج تقئ عوع لعبت نفسي وراح تشتهين كشور ركي او يوميه مشتهيه شي او جكاير لف تتن حار وراح تروحين
للطبيب يسوي تحليل راح يعرف انتي حامل او في الدول
المتقدمه اكو بالصيديليات شريط اختبار بالدول المتاخره اكو شريط اخبار سبتايتل
بعد ماتعرفين انتي حامل زوجك راح يشيل خشمه بالعشيره ويمشي مثل الاسد بالعشيره
مفتخرا بس عوزه يصيح قتلتوا رستم ورب الكعبه قتلتوا رستم ورب الكعبه
المهم لازم تتلزمين بالنصائح
1- صعبه تفتهميها نعوفها
2- الرياضه مهمه للحامل واقصد الرياضه الخفيفه يعني ملاكمه تايكوندوا او
القفز على الزانه بس مو تقفزين عالي جدا لانه بالعالي اخاف يضربج الهوه البارد
والجنين يصير بيه نشله ويكوم يكح ابطنج والناس عبالهم جاي طلعين قوتج
3- نسيتها عودك من اذكرها
4- اتقللين من قرايات النسوان اذا انتي شيعيه لانه اللطم يؤدي الى انزلاق الجنين
واذا كنتي سنيه اتقللين من الدروشه لانه هذا يؤدي الى اخبال الجنين تروحين للقرايه
مال النسوان فقط كعدي احجي على النسوان واخذي غيبتهن وشربي الجاي وطلعي
لا تتاخرين اخاف زوجك يركعج على راسج مما يؤدي الى انه الجنين يطلع من اطفال الخدج
5- مالها داعي انعوفها هسه
6- بالنسبه للزيارات لا تروحين لا زياره شعبانيه ولا اي زياره لانه احتمال
العناصر من بقايا البعث المنحل يفجرون مفخخه ويخترع الجنين
7- يكولون ما متاكد منها انعوفها هسه
8- بالاشهر الاخيره شغلات الشموع الحمراء والملابس النار والاجواء
الرومانسيه تنسيها كعدي راحه اصبري وره ماتجيبين بالسلامه وتكومين
من اشهر النفاس عودك علكي الشموع الحمراء والملابس المغريه الي يسمعج
يكول مزوجه توم كروز من عابتلج وعابتله امداج وامداه صخونه انشاء الله
مو خطيه زوج هو حامل مسواك يوميه وانتي حامل ولد
اتجيبين بس بنات وتصيرين ام البنات شايله الهم للممات عابت
9- بعد ماكو نصائح ادري انتي حامل بجنين لو صاروخ هو جنين شكد تريدين
نصائح اها كافي ماشبعتي نصائح بس اوكفي نسيت بالحمل مل امريه حامل يصعد
عدها مستوى السكر والسكري اذن خففي من المكولات الحلوه السكر صاعد تلقائيا
لا تاكلين حلويات من عابتلج
تحياتي