تدري اني شتمنيت ساعة الشفتك ؟؟؟

[ام علاوي]

انت اول الحلوين متصدر ألكل
حتة ألمرورة البيك هم حلوة تكتل

يمكن علي زعلان وأتمنة زعلان
أهون زعل كل يوم من لحظة نسيان

تضحك علي ادريك بس حالة بية
اضحك واصير وياك واضحك علية

تدري آنة شتمنيت ساعة الشفتك

كل جسمي شفة يصير والزك بشفتك

يل ردت عني تروح روح بسلامة
بس عدنة راح يصير يوم ألقيامة

عالحشر تنشد ليش ماتدري يمتة
الحشر عدنة يصير من تزعل أنتة

ضلمة وخطية الناس تعثر بالدروب
بس انت كلشي تشوف شي وجهك كلوب

لاتظن واحد يوم غيرك عشكتة
ولو يوم احب أثنين هم أنتة وأنتة

مفتوحة بس متشوف غيرك عزيزين
ومغمضة وتحس بيك وتشوفك ألعين

ظلو إعزاز ألروح محد مسحتة
إمسحت بس أعزاز وألباقي أنتة

وألحسن أحلف دوم ما بعد أجيكم
وأوصل لحرف ألنون وأرجع عليكم

بلبل وأحس مخنوك مابية تغريد
أنصب عزة إبعاشور وألختمة بالعيد

نص مني ونة وآه نص مني تغريد
بيد أشبك ألدمعات بيد أشبك ألعيد

لو فد سباق يصير ياهو أجمل ألناس
ونذب عليك تراب هم تاخذ ألكاس

إبكل حلو لولة تصير بس شحچي عنك
صارت أللولة ألبيك حتى أحلة منك

الصايم يتاني العيد لهلالة ينطر
بس آني أصوم إعليك وبجيتك أفطر

رغم ألبعد ياصاح شخصك حضنتة
أحچي أوية روحي أليوم حسبالي أنتة
..............
مماراق لي

[السومري71]

الله عليك وعلى حسن انتقائك
باقه اكثر من رائعه من الدارميات
سلمتي لنا وننتظر كل جديد لك ِ
تحياتي

[ام علاوي]

سلم لي مرورك العطر اخي السومري
لاعدمت اشراقتك المميزه
لك خالص الود

[ام فيصل]

لاتظن واحد يوم غيرك عشكتة
ولو يوم احب أثنين هم أنتة وأنتة


روعة يم علاوي
باقة جدا جميلة من الدارميات
سلم لنا هذا التذوق وجميل الاختيار

خالص مودتي لك عزيزتي

[ام علاوي]

ام فيصل الغاليه نورتي الموضوع
لاعدمت اشراقتك عزيزتي
لك ارق المنى

[ابو فاطم]

انت اول الحلوين متصدر ألكل
حتة ألمرورة البيك هم حلوة تكتل
--------
وراقت لنا ايضا ..
تسلمين على الاختيار المميز
دارميات انيقة وحلوة يا ام علاوي
ننتظر المزيد ..
ولكى خالص التقدير

الصايم يتأنى العيد لهلاله ينطر
بس آنى أصوم أعليك وبجيتك أفطر
الرائعة أم علاوى
كل درامى أجمل
وأروع من الثانى
حيرتينى أيش أنتقى
باقات ورودى لك
وللذوق الراقى
كونى بخير وأمان

[ام علاوي]

الرائع ابو علاوي سلم لي هذا الحضور المميز دمت اخي ودام تواصلك لك اطيب المنى