لســــــــــــــــــــــــــــــــان شاعــــــــــــــــــــــــــــــــــــــــر

[محمد عبود العبودي]

انه لسان شاعر لا تزل وياي
حاذر من كلامك واحذر الزله
ولتكلي بنيت وكبرتلك صيت
ولك بدر الرميض شنطه للدله
يالبابك خشب تحتاج للبسمار
عودان الكصب تحتاجهه الكله
انت بلا اسم من جيت لا عنوان
تتمرد عليه وسيفك اتسله
ترميني بحجر وانت اعلى طولك جام
مثل طبع النخل يتحامى بالسلى
بفيي وخلصت يفلان حر الصيف
بكشاش التبن هم تعبر الجله
بضواي تعلمت تتنكل الخطوات
دربك لو جفيت شلون تندله
اعلى شما تريد يطول بيك العود
لعناكيد العنب ما تصعد السله
لابد ما تحط عالكاع يا مسكين
بجناح الفراشه تريد تتعله
اذا عندك جنح وتريد بيه اتطير
انا النهر العذب مجبور تنزله
طيارة ورق هشه ورفيع الخيط
بس يشد هواهه تبين العله
بنادم من ورق مابيك كل احساس
وجماله اعلى ناري تريد تتسلى
شوفتك جرح لتذب عليه سموم
اذا شفته اعلى طولي ومو سهل شله
تعلمت الحمد من عندي والاخلاص
وجاي تريد اكلك حضرة المله
لتغرك عباتك لو عباة شيوخ
اكو شيوخ وعبيهه مطرزه بذله
صح ثوبي عتيج ومرعداه البين
بس انت وحريرك عيب توصل له
يصح ثوب اعلى طوله مشكك ومركوع
وعيون الرجال تهابه وتجله
ويصح هندام راقي ومثله ما ملبوس
بس حتى الجهال تكوم تخجله
الزلم هاي الزلم مو باللبس تنقاس
جان ابن الغجر محفوضنه نكله
رضعنه اخلاقنه من معصبات الروس
واخذنه من الشرف حصة الشرف كله
امك من صرت ما در صدرهه اعليك
رضعت من القواطي وبينت خله
اتعلم لو ردت تحجي وتذم الناس
لتكصر طويل وسالم اتشله
ولتزغر جبير بعين هذا وذاك
مو كلمن تعرفه يخاف من ظله
جثير من الزلم تمشي وتهز الكاع
واشباه الزلم امثالك القله

بقلمي
محمد عبود العبودي

[الكناري يونس الجبوري]

انهجم بيت اليحارب شاعر ومسكين
مثل محمد العبود كل اهله

كل اهله قوافي محزمين وياه
من يزعل قنابل جوري لو هله

ياهو الزعلاك وجيت بينا تزوم
وياهو الفززاها وطارت الكذله

عمت عيني عليك محمد العبود
وحاشاك من الردى ومن كلمة الذله

انت ابن العراق معدل ومهيوب
وفوگ من المهابه الدرب تندله


رائع اخي الكريم تقبل مروري ومداخلتي
وتحيتي لك

[الشيخ ابوحيدر]

والله وعاشت ايدك
وكَعت على العله ايها المبدع
تحياتي وخالص مودتي لقلمك المميز
اسمحلي اقول انت مبدع
مبدع لك انحني انحنائة الامراء
كن بخير
يالغالي

[محمد عبود العبودي]

انهجم بيت اليحارب شاعر ومسكين

مثل محمد العبود كل اهله

كل اهله قوافي محزمين وياه
من يزعل قنابل جوري لو هله

ياهو الزعلاك وجيت بينا تزوم
وياهو الفززاها وطارت الكذله

عمت عيني عليك محمد العبود
وحاشاك من الردى ومن كلمة الذله

انت ابن العراق معدل ومهيوب
وفوگ من المهابه الدرب تندله


رائع اخي الكريم تقبل مروري ومداخلتي

وتحيتي لك

هاي شنو حبيبي يونس
صاير ترتجل الشعر
والله ابدعت
رد سريع وجميل
شكرا الك للمرور الاكثر من عذب
والفتحيه وسلام

[الكناري يونس الجبوري]

هاي شنو حبيبي يونس
صاير ترتجل الشعر
والله ابدعت
رد سريع وجميل
شكرا الك للمرور الاكثر من عذب
والفتحيه وسلام

[/CENTER]

شنسوي نتعلم يا ابو جاسم هههههه
انتم اهل الشعر والله ومنكم نستفيد
مع تحياتي

[محمد عبود العبودي]

والله وعاشت ايدك

وكَعت على العله ايها المبدع
تحياتي وخالص مودتي لقلمك المميز
اسمحلي اقول انت مبدع
مبدع لك انحني انحنائة الامراء
كن بخير

يالغالي

الغالي
الشيخ ابو حيدر
كل الود والتقدير لشخصك
والامتنان للمرور الكريم والاطراء الراقي
واعتذاراتي لك وللاخوه الاعضاء لقلة ردودي
على مشاركاتهم وهذا بسبب انشغالي الدائم
وعدم تواجدي في المنتدى بشكل مستمر الا لدقائق معدوده
بين حين واخر
تحياتي لك عزيزي وجل تقديري واحترامي

[ام فيصل]

تعلمت الحمد من عندي والاخلاص
وجاي تريد اكلك حضرة المله
لتغرك عباتك لو عباة شيوخ
اكو شيوخ وعبيهه مطرزه بذله
صح ثوبي عتيج ومرعداه البين
بس انت وحريرك عيب توصل له
يصح ثوب اعلى طوله مشكك ومركوع
وعيون الرجال تهابه وتجله
ويصح هندام راقي ومثله ما ملبوس
بس حتى الجهال تكوم تخجله
الزلم هاي الزلم مو باللبس تنقاس
جان ابن الغجر محفوضنه نكله
رضعنه اخلاقنه من معصبات الروس
واخذنه من الشرف حصة الشرف كله
امك من صرت ما در صدرهه اعليك
رضعت من القواطي وبينت خله
اتعلم لو ردت تحجي وتذم الناس
لتكصر طويل وسالم اتشله
ولتزغر جبير بعين هذا وذاك
مو كلمن تعرفه يخاف من ظله
جثير من الزلم تمشي وتهز الكاع
واشباه الزلم امثالك القله


والله والنعم منك يامحمد
رائع رائع رائع لآخر نفس
وتسلم عزيزي على كل حرف وكلمة تنثرها
لاتكفي كل كلمات الاطراء جمال هذه السطور
ماننحرم نبعك الصافي يبو جاسم
مع كل التقدير لك

[شوك الشفايف]

ولتكلي بنيت وكبرتلك صيت
ولك بدر الرميض شنطه للدله
يالبابك خشب تحتاج للبسمار
عودان الكصب تحتاجهه الكله..

الله الله الله..الى مالا نهاية حتى يكاد الرائي يراني جننت..
الاستاذ محمد..الرائع..اقف اجلالا لك .. واحيك تحية
عسكرية .. رائعة لانك قائد من قادة الادب الشعبي..
شكرا لك..