عندي عتاب كومة وياك
عندي وياك يمكن كومة عتاب
اوكف خل نسولفهن سويه
موبيدك عفتني ولابديه انساك
جذب كتلك نسيتك مو بديه
عفتك جرح بيه وكتلك يطيب
اشو زاد الالم ماطاب بيه
وانت اشمتت ويه اليشمتون
ولاحته كلت كلمة خطيه
تعدمني بمحبتك وانت تدري اهواك
وقضيتي وياك متحلهه القضيه
انه بموتي وصيتي احضنك ونموت
وبقت وياي حد موتي الوصيه
توجع حيل من اتناقش وياك
وتجرحني واحس مني الاذيه
وانت بلا عشك تتمنه بس اهواك
ومن اهواك تتمضحك عليه
شبدر مني علمودك زعلت الناس
وبقيت وياك امشي وكتلك تغار
تبقى بنضري الاسلام والدين
وباقي الناس بمحبتك كفار
لان جنه انت احسك والوجود اشباح
ولازم من اجيلك ادخل النار
لاتحتار احبك من زمن جالوط
من يوم الرساله عشكتك ومحتار
ياجمار يوصل طعم الشفاف
اذا يوصل الشفتك يخرب الجمار
واني اتونست من شفتك وياي
ورسمت احلام جدرانك على الدار
وانته اجمل قدس بعيوني الاثنين
واليحب القدس متهمه الحجار
مع تحياتي
منقوللللللللللللللللللللللللللللل
رد مع اقتباس
