زنجيل شعري رائع

[هاشم نجم]

جنت ما امل حبك بس ملاني
وتره القران كلبه بسملاني
وانا السجلت روحي باسمه اني
حزن واهموم كلبه بسملاني
وجنت ما اظن يملني بس ملاني
ومشيت اجدامي من بلواي بركان
وصار الغضب جوه الروح بركان
من دمعي صاير نهر بركان
وجنت ما اصير صورة حمل بركان
يوسف من اخوته باءي اركان
وانه ايبير صوتي اعليك لو صاح
اتيه الراس دايخ صار لو صاح
ما اعرف مريض الجسد لو صاح
لو نايم باءثر فركاك لو صاح
اجرحتني وصار جرحك غلط لو صح
وحمدت الله على هذا الجرح لو صاح
وبيه اجروح عدها اباء والهام
وتيهت بحياتي المهم والهام
كبل مو جان حبك شعر والهام
هسه اصبح يزيد الحزن والهم
واحط بالايد سم الهجر والهم
تحب غيري الي اتصير والهم
اليه انت ويه غيري منتقاسم
وغير اسمك لساني منتقاسم
يموت الشاف حبه منتقاسم
حلفت انت على حبي منتقاسم
عدل سوي قسمتك منتقاسم
وبين العشك والحب منتقاسم
صاير مشترك يعني شراكه
وكلبي بروحي وبدمي شراكه
هسه الكلب مد جفه شراكه
يرد جسمي ويرد يسئل شراكه
وفخ الحب عرف ينصب شراكه
كافر لا يغفر له شراكه
لون الروح حولها مصله
يصلي العالم تحسبه ما صله
عنده انياب من دمي مص اله
وعلاج لجسمي ما ينفع مصل اله
اله وكلت هذا الهدف يبعد مصله
واشجم واحد عزف بوقه مصله
وكف قمه على طوله ونصب حفله
وكلب الخطر وين ايروح حفله
حرام ايحوف بس الكلب حفله
وصف الكلب ياخذ راد حفله
ونسه جدمي عبر على الجمر حافي اله
وجهه اسمر بخيط النار حفله
ونسه اشبيه من عشك كلبي وفي لاه
وحولت الجسم شجرة وفي له
ويخون وانا ابقى وفي اله
بحزن بنيان كل بيت وفي لاه
رد فوك البشر كله وفي لاه
بحجر رد برهه ابكبره وفي لاه
ولا تظن لو رجم كلبك مردك
حزن روحي اشكثر كبلك مردك
ايدك تمرد بروحي مريدك
وجنت لو ؤروحي تطلبها ما اردك
وتاخذ لو ردت مني مرادك
تفتر بس علي صدك مردك
بحبك انا ادري بروحي بهاء الك
وروحي بكثر معزتها بهاء الك
جنت اتعطر اشفافي بها الك
تنفر بيك على العالم بها لك
وتتباهى فلا ينفع بها لك
اذاني ما تحب كلمه بها لك
بس انته الاحبك والتهمني
الحزن ياكل بروحي والتهمني
استعجل ما حركني والتهمني
وزيد شغف روحي والتهمني
ونساني الجان يحجي والتهمني
ولويت الروح منه والتهمني
الاكلني وما رحمني وكال شكله
ومكان الورد كون انطيت شوك اله
ردت مثلي يتغير كون شكله
شكيت وراح كلبي بليل شكله
مو صفه انا جنح الروح شكله
وكلبي ببندقية شوك شكله
اطلقه ارتاح لو يبقى بلاكم
بس يروح من عنده بلاكم
ينسه يصير حزنه بلاكم
نسيت الدمع بلاني وبلاكم
وارداني من مسح دمعي بلاكم
اموت الروح جي تصبح بلاكم
واخاف اخذ نفس واحترك بيه



تحيات



هاشم نجم

[محمد السوداني]

اسطر شعرية في غاية الروعة والجمال
سلمت يداك اخي العزيز هاشم يامبدع
اتمنى لك المزيد من التألق
تقبل تحياتي وودي اخوك
محمد السوداني

[حيدر القريشي]

حبيبي الغالي هاشم الورده
اهنيك على روعه قلمك المبدع
وعلى روعه المعاني والكلمات
شكرا لك اخويه العزيز
وتقبل مني خالص الود والتقدير
ودمت بحفظ الباري

[ام فيصل]

رائع ياهاشم

سلمت يداك وسلم المداد على هذه القصيدة

احييك وانتظر جديدك -- تحياتي لك عزيزي

[هاشم نجم]

شكرا جزيلا اصدقائي
محمد السوداني وابو كرار
على هذه الردود الرائعه
واهتمامكم بمواضيعي
تقبلوا مروري



اخوكم
هاشم نجم

[هاشم نجم]

مشكور ابو جاسم الورده
لك تحياتي

[هاشم نجم]

حبيبي حيدر القريشي
شكرا للمرور والرد
دمت بالف خير

[هاشم نجم]

نورتي متصفحي ام فيصل
لكي كل الود والاحترام