عليك احرك بروحي وانتة ردني

[الامير العراقي]

سوة طبعك حبك ماهيمنة
ومعاك الروح راحت ماهي يمنة
ترة اليمنة التخونك ماهي يمنة
ولا اليسرة التخونك ايد الية
......................................
دمعتي تروح روحي من اهلهة
وناة لعيني دمعهة منهة الهة
سعيت اطلب الحاجة من اهلهة
الحاجة وية اهلهة اكطعوا بية
.......................................
عليك احرك بروحي وانتة ردني
حبيي انتة خذتني وانتة ردني
اذا اتكشف اذراعي وانتة ردني
اكص الردن لو اكص انة ادية
......................................
دمعتي مو دمع بجفاك ون جب
مثل مية علة جف سكران وانجب
اسمعت تالي الزمان احترم وانجب
وانةالناس من امر تاخذ تحية
...................................
وحك البيت واليمة والاعضام
احبك وبكثر حزني ولع ظام
يفز جلدي من اشوفنك والعضام
ترجف بس تحط ايدك علية
.................................
مسودن كلبي ماينفع وعض بة
قهر سلم بهامي واعض بي/واعض بة
عرجة قسمتي صارت وعضبة
سودة مصخمة وتفتر علية
................................
اثيابي من جمر نارك دولي
اجرحتني ومااضن ينفع دوةلي
علية اشبيك متكبر دولي
حبيبي انتة شنو بالنسبة الية
........................................
ادكلك عظم ضلعي ونعمة
واحسب نقمتك رحمة ونعمة
اشوفك من تجي مجبل وانة اعمة
واصير اعيون اذا مريت بية


م ن ق

[السومري71]

باقة جميلة من الأبوذيات
شكرا لجميل انتقائك
تحياتي

[الامير العراقي]

هذا من ذزقك الراقي
شكرا الك على المرور الجميل
نورت
تحياتي الك