الله عليكى يامصر ,جمال مرسى
الله عليك يامصر
والكل بيحبك
والكل يا أمنا
شايلاه هنا ف قلبك
والكل مهما بعد أو حتى يتغرب
لازم يجيلو اليوم
يقعد هنا جنبك
***
في ظل شجرة توت
أو حضن جميزه
كان المزاج مبسوط
من طنطا للجيزه
نقعد كدا شله
نحكى نوادرنا
وتسيل دموع العين
م الفرحه واللمه
نفتح قلوبنا لمين
غير ليكي يا طاهره
تاخدينا بالأحضان
وننام كدا ف حضنك
***
يامصر عمرك يوم
ما كنتي يوم قاسيه
اصلك رضعتي النيل
وعلى الضفاف راسيه
نخله وهرم وبيوت
يتحدوا نصل الموت
أما العدو الغدار
ينهار أمام شعبك
***
يا غاليه يا طاهره
عايشين بأنفاسك
عايشين هناك بره
حاسين باحساسك
ونقول بعلو الصوت
والفخر مصريين
كاسبين جمال الروح
والخفه من طبعك
واللي شرب م النيل
لا زم هيرجعلك
رد مع اقتباس
رد: الله عليكى يامصر ,جمال مرسى
المشاركة الأصلية كتبت بواسطة عمار الغزي
