جرف ونهر

[العراقي الطيب]

أشهگ بالنفس مـــــــــــــــــن يمر طاريك

وأشوف المـــــــــــــــــوت بعيوني وأريدنه



لأن بعـــــــدك حياتي شتدري بيها شصار

غريب بنص هلــــــــــــــــي وعاشگ الونه



لا فرحه التسليني ولا طيفك نشد يفلان

مكسور بعـــــدك هالگلب وشلون أجبرنه



معذور الرجــــل من تهمل عيونه دموم

مــــــــــــن يذكر حبيبة وتاخذه الصفنه



صرت حكمة ومثل بحلوگ هاي الناس

تسولف ع المهاجر عــــــن قصته وحزنه



ذبل ياس عمـــــــــري ونوحت ع الگاع

لان مگطوع مايك مـــــــــــــــــــــاوصلنه



لا چلمة بچذب لاخبر لا مرســــــــــــال

اخاف نسيت شخصــــي وضيعت حبنه



تذكر بالامس مــــــــــــــن چنه آنه وياك

مثل جــــــــــــــــــــرف ونهر الحب جمعنه



ومـــــــن بعد العشگ والغزل والاشواگ

أجانه الماردنه ذكــــــــــــــــــــــــره وبعدنه



أجانه وخرب علينه فــــــــــــــــــرحة العيد

وصارت بدل مـــــــــا أشوفك ..توادعنه



عساها بحضة وبخته ومــــــــــــــاينام الليل

كلمن فــــــــــــــــرق روحينه وشتت شملنه



كلمن فـــــــــــــــرق روحينه وشتت شملنه

[مروان خالد]

لك مني كل التحية علي هذا الابداع
تقبل مروري

[محمد السوداني]

جميلة جدا هذه المجموعه من الابداع واكثرها روعه هو
ذبل باس عمري ونوحت ع الكاع
لان مكطوع مايك ماوصلني
تحياتي لك وتقبل مروري محمد

[العراقي الطيب]

مشكورين انتم الاروع تحياتى لكم واحترامي الكبير