كون اني شاعر وكدر اوصفك
يلنصك كمر والشمس نصك
كالو بلعشك اشكال والوان
ومن يجي طرواك الحلك ينصك
اتحب الورد بسوالفهة العشاك
ونته الورد ايسولف ابعطرك
وماعدهم خبر من الك حبيت
مر ابحلكي العسل حليته امرك
ولو تدري اشكثر يعجبني لون اليل
لان سوادة حلو ابلون كحلك
احبك جذاب العلي كال
انا روحي والهانه ابكلك
انا شجرة ومشلوعه من الجذور
ولي شلعهة عصف حبك
شوصفك اشلون اوصف النجوم
اوصف حنانك لو طيبتك لو عطفك
لو اعيونك الزرك الحلوات
ابلون السمه لونهة ربك
او طولك غصن بان
لو العالم الغركان ابشعرك
لو لونك الابيض الشفاف
منعنده الدرر تتبرك
اسرار السمه حور العين
ونته حور الارض اعرف ابسرك
احبك احبك احبك
بس بهاي الكلمات كادر اوصفك