مقاطع من الابوذيــــــات ~~ للعشــــاق ~~جـــــــديدXxXxXجــــــديد

[احمد الزبيدي]

جــديد xxx جــديد

يمهلك...

اله الكون يامدرك يمهلك
وكالو كون اليحبك يمهلك
انه اتمنيت بيت اهلي يم اهلك
وقلبي وقلبك يصيرن سويه

وانتهركني...

انه بيت الموده وانته ركني
جدم غيرك خطاني وانته ركني
اذا عافاني قلبك وان تركني
عدله ادف الروح بذني اديه

وشباج...

صرت صياد لعيونك وشباج
وقلبي بي فرد نفذه وشباج
مثل كومت حطب صرتي واشباج
واحركج واحرك العرفج بيه

حيراني...

الوكت ما يوم منك حيراني
السطرني بس جمالك حيراني
اموت ويمر شخصك حي يراني
بنضر عينك ترد الروح اليه

مرعدهم...

مرة افكد احبابي مرة اعدهم
وتمطر طيب روحي من رعدهم
مرة القلب عندي مرة عدهم
روحين بقلب صرنه سويه


وان شاء الله تعجبكم ابوذياتي

وانتضروا الجديد بأذن الله

مع تحــــياتي
اســـ الروووح ــــير

[هاشم نجم]

والله وعاشت ايدك على الباقه
المنوعه من الابوذيات الحلوه
دمت بالف خير

[محمد السوداني]

مشاركة رائعة ابوذيات جميلة جدا بوركت اخي العزيز تقبل تحياتي وتقديري ..... ننتظر نزف قلمكم القادم