محاوره بين حبيبين

[ابن الوسط]

دار حوا ر بين حبيب وحبيبته
هو
ابغداد بيتج صار لو بلديوانيه
اعبر الشط اعبور وامشي علديه
هي
جسر الخشب موجود لاتعبره يهواي
خافنه بيك ايميل وتغرك به الماي
هو
خل اغرك ابهلماي بس كون اشوفج
لوجسموني انه اجسام ابدا معوفج
هي
بسك يبعد الروح فدوتك انه
ولو كلبي مادك يوم انت ابمجانه
هو
خل اعبر الشط زين لو تعبريلي
ولا نظل محتارين انه ودليلي
هي
اعبر يبعد الروح بس هونك اطيح
ياربي اخاف عليه من هبة الريح
هو
اعبر وحك عيناج واتعنه يمج
احجيلي شنهو الصار وأشكيلي همج
هي
مرحب يبعد الروح وياهله بجيتك
غيري ابد متصير غيري امريتك




تقبلو تحياتي
*************************************

[حيدر القريشي]

الله الله ابداع متواصل
شكرا لك اخي العزيز
وتقبل مني خالص الود والتقدير
اخوك
حيدر القريشي

[ابن الوسط]

حياك الله القريشي
تسلملي

[ام فيصل]

الله على هذا الإبداع يابن الوسط

اكثر من رائع ماتكتبه -- والظاهر اليوم مفتوحة شهيتك على المحاورة بين حبيبين

دمت يامميز

[ابن الوسط]

حياج الله اختي العزيزه ام فيصل
والله اني جعبتي مليانه
بس خاف تملون مني
مع تحياتي وتقديري

[محمد السوداني]

الله يامبدع حوار رائع ,,,,,,,,
اخي العزيز الوسطاوي تحياتي الك وين انته موجود
تسلم وتعيش اغاتي انته امتعتنا والله

خل اعبر الشط زين لو تعبريلي
ولا نظل محتارين انه ودليلي

أعبر يبعد الروح بس هونك اطيح
ياربي اخاف اعليه من هبة الريح

سلمت يداك واحساسك الدافئ
تحياتي اخوك محمد

[الجوريه الحمراء]

احلى من الحلوة ياابن الوسط شكرا لك على هذا الابداع

[ابن الوسط]

ابو جاسم حي الله هل الطله
شاكر مرورك يلغالي