انواع الشعر الشعبي
الشعر الشعبي العراقي ينقسم إلى خمسة انواع رئيسية العمودي والدارمي والزهيري والابوذية والعتابة.
.................................................. .................................................. ..............................
الشعر الشعبي العمودي
وهو مبني على صدر و عجز و قافية واحدة أو أكثر و تستعمل فيه كل اللهجات العراقية المختلفة مثل اللهجة البغدادية أو الموصلية أو لهجة أهل الجزيرة أو لهجة أهل الرمادي أو لهجة أهل الجنوب، حسب انتماء الشاعر الجغرافي، وهو من أكثر أنواع الشعر الشعبي شيوعا وانتشاراً بالعراق.
مثل قصيدة..
أريد أبجي إعله صدرك مشتهي النوح
و أريـد أكَعد إكَبـالك وأحسب إجروح
ومثل الطير من يودٌع الروح
جاي أركَص إبابك ركَص مذبوح !!
إهي كسرة عظم ماتجبــَر بيوم !!
ولا دورة سنه وآثارها تروح
كِسروا واهسي وخلوٌنــي مالوم
وخايف عله عيوني بالبجي إتروح
كنت آمر وأنهي وصاحب الراي
يوم أييـــدي طويله وجيلتي إتلوح
أريــد أبجي إعله صدرك مشتهي النوح
وأريد أكَعد إكَبــالك وأحسب إجروح
أريد أركي أعله صدرك راس تعبــان
وأسولف عن عذابي وغربة الروح
جاي أنزع إبجـَفٌك سهم الأصحاب
تبروا من طحت عافوني مطروح
سحكَوا فوكَ راسي وجرهم الخوف
ونزلو للوحَلْ من عالي السطوح
ويوم إلليٌ شفتهم وكَعو إبٌيـــر
نزلت وساعدتهم وآنـــه مطروح
ويوم إللٌي شفتهم نزفو إهــوكَمت إنطيت دم واحلبت الجروح
,,,.,,,,,,,.,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,,,,,,,,,,,,.,,,,,,,,,,,,,,,.,,, ,
اما الزهيري فيتكون من سبعة ابيات تشبه الابوذية
كل ثلاثة ابيات تتشابه اما البيت السابع يشبه
الابيات الثلاثة الاولى ومثال على ذلك
الابيات التالية
حبك جتلني وصرت لفراشي املازم
حيث الذي كابلك يلبس درع لازم
لازمني حبك مثل لزمة خبل لازم
واني ولا ينوصف حبي ولاعي بك
وغالي عليه تظل انت والاعيبك
انت يزين النبا تدري شنو عيبك
مشكلتك انك حلو زايد عن اللازم
.................................................. .................................................. .......
اما الابوذية تتكون من اربعة ابيات
ثلاثة الاولى متشابهة والبيت الرابع
ينتهي ب الياء والهاء
مثل
روحي معذبه كيضه وشتلهه
حرت جا بيش اسليهه شتلهه
بساتين الهوه بكلبي شتلهه
شجر يحمل بجه والنوح اليه
.................................................. .................................................. ....
اما العتابه فهي تشبه الابوذية اما البيت الرابع
ينتهي ب الالف والباء مثل
يهل عايف بلادك وين دارك
خليه تكول ليش الوكت دارك
راجع كل امورك وانتدارك
حياة الحر بالغربه عذاب
.................................................. ....................................
الدارمي يتكون من بيت واحد صدر وعجز كما في البيت التالي
ابني وادك بالساس صار اثنعش عام
هدمه الواشي بيوم خلترضه لسلام
.................................................. ....................................
تقبلوا تحياتي
اخوكم
عبدالكريم البصري
رد مع اقتباس
رد: انواع الشعر الشعبي
