اريد اكتب قصيدة وشنطي عنوان
وبيك اتمثلت احلـــــــــى العناوين
يمن بيك المحنة وبيـــك الاحساس
يمن حبك مثل ورد البساتيــــــــن
بيك الدنيا داخت باحلى نضــرات
وعشاكك صفوا مثل المجانيـــــن
يازهرة ربيع معطـــــــــرة ودوم
ويالحبك جرة دم بالشراييـــــــــن
يمن تحمل كلب ما يعرف يجـــور
شهود بهاي ماحاجة البراهيـــــــن
نعم يا روحي انت وكـــــــل الافكار
واحسن فكري واني وياك محتارين
وعشكتك مو عشك نزوات لا والله
صرت انه السكََََف وانت الحياطين
المحنة البيك والله اتشيب الـــــراس
ووياك الزمن خلف نياشيـــــــــــن
ووضحلك حبيبي الحال بالحــــــال
دموع اتسيل واتجيوي البراكيـــــن
والك دمعي حبيبي صدك يهــــــون
وحبي وياك صار بلاية تعييــــــــن
وشوكي وياك صدك صارلة هـواي
اكثر من عمرنا وصارلة اسنيــــــن
جنت بية اكولا انت ما حسيــــــــت
برسالة الروح اوديلك عناويـــــــن
الشاعر :::::/ foraten.net/?foraten.net/?foraten.net/?foraten.net/? رفيش