السلام عليكم
اليوم سويت كبة باللبن وكلت خلي انزلها بالمنتدى انشاءالله تعجبكم
المقادير:
كيلو لحم هبر
كيلو برغل اسمر
بصلة
شوية اوراق نعناع
ثلج مبشور
ملح وبهارات مشكلة
قطعة شحم
مقادير الحشو:
نص كيلو لحم مفروم
نص كيلو بصل مفروم
ملح بهارات ( هيل دارسين كاري كزبرة وفلفل اسود)
مقادير الصلصة:
8
اكواب روب
3
ملاعق طعام نشا
بيضتين
نص لتر مي وملح
طريقة الحشو:
نخلي البصل المثروم على النار ويا شوية زيت لحتى يصير لونه ذهبي ونخلي اللحم المثروم فوكه
والملح والبهارات الي كتلكم عليها فوق بالمقادير ونعوفه لحتى يستوي
بعدين نعوفه يبرد
طريقة الصلصة:
نجيب الروب نخليه بكدر ونذوب النشا بشوية مي بارد
ونخلي البيضتين همين وملح ونص لتر المي كوله الي كلنه عليه
ونخلطه زين ونخلي على النار لحتى تثخن الصلصة
طريقة الكبة:
نغسل البرغل وانقعه بمي حار مدة نص ساعه بعدين نصفيه
ونثرمه بمفرمة اللحم ويا قطع الشحم والبصل واوراق النعناع
بعدين نخلط الللحم والعجينه سويه ونخلي بهارات ( دارسين-كمون-فلفل اسود)
وملح وونعجنه زين ونخلي ويا ثلج مبشور علمود يخلي العجينه متماسكه
بعدين نخلي بايدينه دهن وناخذ قطع زغيره ونحشي العجينه باللحم
وبعدين نجيب كدر مي حار ونخلي الكبه بيها لمدة 5 دقايق مو اكثر
لاان اذا بقت اكثر تنمرد بعدين نطلعها
ونخليها بصينيه وخلي فوكها صلصة الروب
نبقيها بالفرن مدة 10 دقايق بس
ولما نطلعها للزينه نبرش ثوم ونخلي زبده وكزبرة
وعلى نار هادئة لحتى يصير لون الثوم ذهبي ونزين بيه الكبة
وراح يطلع شكلها هيج
وبالعافيه عليكم
كبة باللبن من سووومه
وبالعافيه عليكم
رد مع اقتباس
مشاركة: كبة باللبن من سووومه
احلى تحية لكي
مشاركة: كبة باللبن من سووومه
.gif "66 (46)")
.gif "66 (45)")
