انصحك
لا تغــــــــــــــش بدكَــــت الميزان
ميزان العـــــداله ﭽـفوفـــــه مياله
تاخـذهـن اليـوم وهـنَ مثـل المــاي
شما تغــرف يضلن بــــس الوشاله
ولا تصاحـب لئيــم وبيـه تامـن يوم
يراويك الذهـــــــب ويبيعك خشاله
ونصحك
لا تبــاوع علـــى عراض النــــــاس
لأن عرضك يصير برخــص السحاله
جارك ثـــم جـارك اللـــه وصـه بهاي
تحفضه بغيبته وبالـــــــــــذات بعياله
ولادور نقص وتريد بــــــــــس توليه
تره عين الله صدكَ هيــــــــــه تبراله
ونصحك
بـالـظحـك لتكشـــــــــــــــــر النابين
بعــــــــــــــد مظّل كرامه البيه تتعاله
ولـتعبس بوجه النـــاس لويـــــدنون
عبالـــــــــــــــــه تكرهه هيـﭻ عباله
ولاتضحك وره المجفين اخـــذ الشور
لان تضحك عليه كـــــل ضنته وباله
ووصيك
بوصيــــــــــــــــه الغني لا تـماشيه
لأن تصير خــــــــــادم وانته تبراله
والحاكم اتركـــــــــه وابد لا تــــدناه
لان تخلــــص حياتك وانته اله ذياله
ولاتكيف سفرته عامــــــره وشتريد
ما تاكــــــــــــــل يخايب بس الفظاله
وفهم
صاحبك لـــــــــــــــو يوم تمشي وياه
وحــــــــــــــــــذر لا يغرك يوم بفعاله
صاحب ويـــــه صاحب دوم ينسب ليه
وحذر لا يغشك حلـــــــــــــــوه اقواله
بليس بكلمـــــــه حلوه يفرق الصحبان
يـﮕـله يباوع اختك ﭽـــــــــــنهَ تحلاله
قلـل
بالســـــوالف وحـﭼـــــــي بالمضمـــون
لان حـﭼـي الجثيــــــــــر يصيـــر تجمالــه
واليكثر كلامــــــه اصير بيــــــه اخطــاء
أذاً ممكــــــن كلامـــــــه يصيـر ﭽـتـــــاله
ولا صاحـــب غبــــي مايعــــــــرف التدبير
لأن ممـــــــــــــــــــكن يظـرك يوم بخباله
وحذرك
لاتسولف ابـــــــــــــــــــــــد بالشينات
لان اصل البشر ينحكــــــــــــــــم بقواله
ولاتعله بكلامك فــــــــــــوﮔـ اهل الطيب
مكســــور الجنـــــــــــــــح ميريد تنواله
ولو سئلوك لا تشكيلهم عــــــــــــل عوز
لأن تصبح رخيـــــــــص برخص الحثاله
احذرك
لا تغــــــــــــــــــط بترس عينـــك نوم
لان ﭽـــــــــــــفت حسابك غاد ميــاله
وعينك والاديـــــن شهود يصفــن ليك
لوضحكت فــــــــــــــرح لوعيـن هماله
بقلم الشيخ ابوحيدر الشويلي
7|2|2011