بييه شكد حزن ماسولفتلك بي

بييه شكد حزن ماسولفتلك بي

وبييه شكد قهر يحرث ارض عيني

يطش بذوره ليل وبالسواجي هموم
وناعور الدمع لساعه يسكيني

خفيت جروحي كلهه وصبخه هسه العين
شما تزرع بعد ميخضر بطيني

جنت يمك جمر من مر شتاك شهور
وجنت انه اشتعل وانت التدفيني

بعد ماصير ابد جمره وشتاك يزول
يجيك الصيف تالي بماي تجويني

ولا مثل الشراع ابقه بسفن جفيك
ومزاجك ريح وبكيفه يوديني

خلص دور الوكت مايسوه بعد الكون
ولا يسوه الندم يصفكله جفيني

بيني وبينك انت شكد مسافه اليوم
وصرت ناسيك اني وانت ناسيني

ماجانت مسافه الأمس جنت تعيش
قريب بصفي كلش بيني وبيني

لا ذكرى البقت بيهه اذكرك وارتاح
من ارجع واكلب دفتر سنيني

بكل ورقة دمع وبكل سطر اعذار
من كد قهري احس الورقه تبجيني

طبع سجين طبعك بيدي جنت تنام
تخاوي جفوفي ماتكدر تلاويني

لكن مو غريبه تصير بيد الغير
وبلحظة غدر تكطعلي جفيني

دين بركبتك كل عمري ذاك الضاع
وماريده بعد متبري من ديني

بس كون انت تبعد ابعد من الغيم
والف صدفه تمر وماتلاكيني

اقبل واقعك وك هذا واقع حال
وارحل .. شوفتك صارت تأذيني

ماريدك خلص لاتحجي بعد وياي
وحته رمش عينك ...لاتحاجيني


منقول

مع تحياتي

[الكناري يونس الجبوري]

كلك ذوق يا فاتن
شكرا لحسن الاختيار والنقل البديع

[طيبة النجف]

لا ذكرى البقت بيهه اذكرك وارتاح
من ارجع واكلب دفتر سنينــــــــــي

بكل ورقة دمع وبكل سطر اعذار
من كد قهري احس الورقه تبجيني

طبع سجين طبعك بيدي جنت تنام
تخاوي جفوفي ماتكدر تلاوينــــي

لكن مو غريبه تصير بيد الغير
وبلحظة غدر تكطعلي جفينــــــي

دين بركبتك كل عمري ذاك الضاع
وماريده بعد متبري من ديني

بس كون انت تبعد ابعد من الغيم
والف صدفه تمر وماتلاكيني

اقبل واقعك وك هذا واقع حال
وارحل .. شوفتك صارت تأذيني

ماريدك خلص لاتحجي بعد وياي
وحته رمش عينك ...لاتحاجيني


فاتن وهيب
ايتها المبدعة
قصيدة قلبت المواجع وحاكت الروح
لقلبك اسمى التحايا
اختك
طيووووووبة

[نبراس الفرات]

شكراً لكي عزيزتي
فاتن وهبي على
النتقء الجميل
تحياااااتي

شكرا للاخت فاتن
ذائقه بطعم العسل

[ميران]

كلمات جميله جدا
دمت لنا مبدعه
ودام قلمك الذهبي
ننتضر المزيد
تحيتي وودي لك

[ميران]

يسلمووووو عاشت ايدج يامبدعةع الكلمات الرائعة

شكرا لمروركم جملتوا صفحتي المتواضعة بكلماتكم العذبة والرائعة ودمتم اخواني واخواتي مع تحياتي