ياصاح مرمر كليبي... بًعدكم
وسمج للحوت صرنا... بعدكم
متى تعودون يحبابي... بعد؟ كم
اتاني وصرت للشامت خطيه




مو حب بلقلب هذا ورمشاك
وذوب بشوفت عيونك ورمشاك
اظل للموت بس امشي ورمشاك
لان روحي التحبك مو بيدية



وداري
ياما وياك اجد واتعب وداري
بعذابي زين انا اعلم وداري
تبني ديار عدواني وداري
تهدمها وتشمت عداي بيه




انا ترفعت عن غيرى منازل
والى ويه اهل الكرم صدق منازل
انا لدرب العشق قبلك منازل
بس حضك حلو جابك عليه



حبل مواصلك ياترف عدمن
عيوني من البواجي عليك عدمن
أدور على الوفى ياناس عدمن
الوفى واحد وضاع بتسعمية

__________________
أم الخير أمنــه . مَن على أمنه .؟
ونعلم الدنــيا صّدگ . من علمِنة .
ثلث نجمـات راحـن . من علمنه
وبعـــد چم يوم يلغــون التحية