أنا بدرب الحلو راحل \ محمد الشريف المدلي \
اتْذَكّرت ايام حلوه على رنات الخلاخل
على صوت البدر يضحك على لمسات خصر ناحل
يا قمر غمض عيونك بين همسات الهلاهل
لا تحَسّْبني نسيتك أنا بدونك طفل جاهل
ضيعت مفتاح قلبي وبوسط بستان المناهل
يا قطار العمر دونك أنا بدرب العشق راحل
أنا بدرب الحلو راحل
أنا بدرب الحلو راحل
مشيت بقلب مجروح وبعدك ضاعت أحلامي
وأنا لجرف النهر حنّيت وأنا لذاك النخل ساير
وأنا لذاك الوفي حنيت أعرْفَهْ قطعت افَّادي
وأعرفه البلسم الصافي وأنا لماي النهر فادي
أنته الدنيا وأحلامي وأنته سيفي والحادي
أتذّكر بنظراتك هموم الشوق وأنا بوادي
عمر ضيّع الأيام ما أنساك
وأشوفن فرح حسادي
أنا بدرب الحلو راحل
أنا بدرب الحلو راحل
حدّر الجفن نظراتك أذكرنْها وتهيم الروح
أتسلى بعذاباتي وأنه أحلم حلم مجروح
وطيفك ما بعد عني وقلبي بالمراره ينوح
أتسلى بدمع عيني والدمعة تجي وتروح
أتذكّر يوم للي شفت رسمك على الدفتر شعر مفتوح
ما أدري شْجرى لعمري تهْت بين الرسم مذبوح
أنا بدرب الحلو راحل
أنا بدرب الحلو راحل
أشوف القمرة بخدودك وأقولن عيني غلطانه
أعاتبها وأسألها صحيح لشافته عيني ؟
لو هي وجعانه .. ؟
وعطرك أزهر الدنيا وعيوني وإياك نعسانه
هاذانه لفدية الروح مشت هي وضعت أنه
هاذا القدر وأحكامه هذا الكون وأزلامه
هذا النور والظلمه وهذا الشوق وأحلامه
هذا للي يبتلي بمحبوب عذابه ونار بركانه
أنا بدرب الحلو راحل
أنا بدرب الحلو راحل
تمد إيك على شعرك وتتبسّم مثل دجلة
وعلى شط العرب مريت أنته العذب وأنته أهله
مثل ريم الفلا تمشي مثل طيور الصبح كحله
تعاتبني على الفرقه ترى فركاك مو سهله
أنا بعدي وفيْ لرسمك فدوى لعينك الشهله
أنا بدرب الحلو راحل
أنا بدرب الحلو راحل
أريد أشرب من يدينك شربة مايْ
أريدن ريقك الغالي يطب حشايْ
أريد أدفن جراحاتي بدرب مسراي
أريد أحجي سواليفي لعمري الجاي
أضم راسي بوسط صدرك وسط نجوايْ
أريد الدنيا تعرفني أريد أسهر على بلوايْ
أريد البسمة ترجع لي بعدد ممشاي
أريد شطوطنا ترجع بذاك الماي
أنا بدرب الحلو راحل
أنا بدرب الحلو راحل
محمد شرف الشريف المدلي
عمدة التوبي السابق القطيف
المملكة العربية السعودية
رد مع اقتباس
رد: أنا بدرب الحلو راحل \ محمد الشريف المدلي \
