غابتك دخان//غزل...مع تحياتي
أريد أشبر خيالك والجدم تعبان,,
وارسم عالرمل صورة ليالينه,,
أريد ابحث عليك بصفحة النسيان,,
بلجي اعثر عليك بشبح ماضينه,,
ياجفن الليالي الماغفة سهران,,
ياحلم الطفولة وعمري وسنينه,,
يابسمة فرح بعيوني أحلى إنسان,,
تذوب الروح لو طيفك يمر بينه,,
يامصباح شوفي وأجمل الألحان,,
اعزف بالكَلب أعذب تلاحينه,,
لولاك الفرح بعيوني صار أحزان,,
عمري كََيض بس ثغرك يروينه,,
طبع الطير من يتعب يدور أغصان,,
وانهّ التعبان جنحي ومحد أيعينه,,
ضيعني هواك وغابتك دخان,,
عاثور الدرب واشواكة تاذينه’’
بيهّ أطباع اضحك والدمع نيران,,
يحمل ضيم كَلبي وضحكته بعينه,,
يالون الثلج احضني مو بردان,,
بشفاف الجمر ريتك تدفينه,,
لو دربك كَزاز ازحف ألك عريان,,
وأصيح أفيش لو نارك تجوينه,,
يادكتور روحي والكَلب ذبلان,,
مو جرحي التهب بسك تداوينه,,
قصايد شوَك اكتب والحرف عطشان,,
بيك اجمل قوافي اشعار خطينة,,
أريد اصبر عليك وانتظر يفلان,,
وأشوف الراي شنهي أوين تالينه؟
**********
مع تحياتي
الشاعــر
جلال البطاط
غير مبروء ذمة من يقوم بالنقل دون ذكر الاسم
رد مع اقتباس
رد: غابتك دخان//غزل...مع تحياتي
المشاركة الأصلية كتبت بواسطة زهير العقابي
