دارميات حلوه

[مرام سامي]

حاير شحط للروح وأمنعهه منك
صبح وعصر وغروب تسألني عنك

كون أنت جاري تصير واشمرلك العين
تنترس منك شوف وترده بعدين

كض منخلك وبضيج وبساعة مصاب
غربل وشوف شلون مدغوشه الاصحاب

ما عندي للحب باب صدك شلعته
والله محد فات بس انته فته

القلب من يسراي صار بيميني
كله بسبب فركاك يلما تجيني

اصفن واسولف بيك كل فكري يمك
هم تظن يوم انساك واتبره منك

مجنون بيك اعترف وبروحي ضميتك
ومن دون كل البشر بس انت حبيتك

قاطعت شنهي الصار مليت الاحباب
شامت اجه وزاك لو عندك اسباب

تحياتي وسلامي

[الشاعر ماجد الدعمي]

كض منخلك وبضيج وبساعة مصاب
غربل وشوف شلون مدغوشه الاصحاب

جميل مرام هذا الاختيار الجميل واحسنتي ولك تحياتي

[مرام سامي]

اهلا بك ماجد وبمرورك نورت صفحتي نعم ما تنعرف الاصحاب الا بالضيج لك تحياتي

[محمد السوداني]

كون أنت جاري تصير واشمرلك العين
تنترس منك شوف وترده بعدين


سلمت اناملك يارائعة لهذه الباقة الجميلة من الدارمي

تحياتي وتقديري

[همس الغروب]

قاطعت شنهي الصار مليت الاحباب
شامت اجه وزاك لو عندك اسباب

دارميات جميلة
تسلم ايدج خيتو
تقبلي مروري