ابوذية وقصيدة

[راهب المنصوري]

بمناسبة ذكرى مرور سنة على وفاة والدي كتبت هذه الابيات
جفاني اللي ينادمني وندمه
وخلف بالكَلب حسرة وندمه
جفن غيري دمع يهمل وندمه
عليك ولا يكف حزن العليه

ماتقبل تظل الدار ويانه
تريد البكَا خلافه موحش مجانه
ترجيته ونطرته شهور
ودارت سنه اعليه ولسه ما جانه
جنت استدل منه وآخذ العنوان
لو فكري يشت ويتيه عنوانه
ابو لسان الحلو من يطب للميدان
من وجدانه يحجي ويشد ميدانه
يل تحجي بحكم وبراي وبمعروف
ويالمنك الحكَـ ممنون صاح آنه
المضايف مدرسه وجنت انته بيها استاذ
وبلايه استاذهه ترسب الكسلانه
مد بحرك وكَف يادامل انته اعليه
وقلام الشعر حدت وحزنانه
المثلك ما لكَيته شلون اعوضك بيش
خلص كَلبي ترانه وروحي خلصانه

مشكور يارهب على القصيدة الرائعة

والف رحمه ونور على الوالد تحياتي لك

وانشاء الله اخر الاحزان

[راهب المنصوري]

شكرا اختي فاتن على هذا الرد الرائع