ابوذيات اسلام المياحي

[محتاره]

شهرزاد
شهر فركاك يلمبعد شهر زاد
وشهر لاغزر ملوحة شهر زاد
اظن لو تسمع بضيمي شهرزاد
عشرتالاف ليله اتصير الية
***********

ترامـــــــــن
عليه سهام هجرانك ترامن
بعد عيني عكب شخصك ترا من
ياهو الغيرك عني ترا من
عاذل لو زماني افتر علية
**********

لوني
يزيد الجرح بدموعي لوني
المصايب هدمن حيلي لوني
لوني اكدر انساكم لوني
اطيب الجرح من كلبي بدية

***********


وسكر
عليك ارد اقفل كليبي وسكر
ضغط صار بسبب حبك وسكر
عسل كل العسل شفتك وسكر
تصحي الواصل الحد المنية

***********
واجلكم
اجل كلمن يحب شخصك و اجلكم
ولهب صار بوسط كلبي وجلكم
نخيت الله يخلي اجلي و اجلكم
لحد كطع النفس نبقة سوية

***********

وجدليني
دكولي منين اطبلج وج دليني
وجديني اعلة حالي وجدي ليني
ولج كافي قساوة وج دليني
ولج غصبن عليج انتي الية

***********
ولالام
انا جرحي بسبب حبك والالام
ومنو مثلي كتم جرحة ولا لام
غير جروحك البية ولا لام
ومن حبك شفت بس الاذية
**********
مهندس
ضحى و كتي بعد شخصك مهندس
وجلمات الوشو بذنك مهن دس
بغرامك صرت يمدلل مهندس
ومعدل بالعشك طلعت ميه
********
وهبلاك
ياهو الكال اعوفنك وهبلاك
والك نسم هوه كلبي وهبلاك
سبحانه الذي صاغك و هب لاك
حسن جتال حته اتعم عليه

تح ـياتي

[حيدر القريشي]

عاشت الايادي اختي العزيزة محتارة
على هذه الابوذيا الاكثر من رائعه
تقبلي مني خالص الود والتقدير
مع ارق التحايا

[عمار الغزي]

عاشت الايادي اختي العزيزة محتارة
على هذه الابوذيا الاكثر من رائعه
تقبلي مني خالص الود والتقدير

[شاعر غرام]

تسلم كلماتك وتميزك
دمت لنا بهذا الأبداع
وننتضر جديدك
تقبل مروري
وسلام

[الحب الضائع]

انا جرحي بسبب حبك والالام
ومنو مثلي كتم جرحة ولا لام
غير جروحك البية ولا لام
ومن حبك شفت بس الاذية

ابو ذيات في غايت الروعه تحياتي

الج اخت محتاره

مع تحياتي

[محتاره]

مشكووووورين عالمرور العطـر

نورتوووا الموضوع

مودتي

شكراً لأختياركِ هذه المجموعه من ابوذياتي انشاء الله اتشوفون كل ما هو جديد من اشعاري

[محمد السوداني]

الله الله ابوذيات رائعه وجميلة صح السان شاعرها وناقلها
كلك ذوق ياذوق تحياتي لكي وللاخ المبدع سلام المياحي منور المنتدى بتواجدك

مع ارق التحايا