جنت اظن...
ماكو بعد مثلج حبيب
وجنت اظن...
دولاب دهري من يفرني
احس نفسي ماتهت
وجنت ميت من زمان
ومن عرفتج ردت الروح لجسدهه
وما متت
وجنت اظنج من تغيب الشمس عني
ما اعيش الظلمه ساعه
وتعلن الدنيه نهار
وتشعل شموع المحبه
وغير هذا ما ردت
وكمت اسولف ويه روحي
والسهر غمك جروحي
ومن كثر همج يحلوه اتولعت
اني دنياي الجبيره
ابد ولغيرج حبيبي ماكلت
مغير اطباعك عليه...
ليش شنهو اللي شفت؟
فكري داير
همي بس اشعل جكاير
ارد اكلك واني حاير
ليش عني اتمنعت؟
بس شسوي
اعرف القصه طويله
وليلي ظل يسحل بليله
وادري انتي لغيري كلبج
ودربي مايلتقي بدربج
بس شسوي ماتبت
....................
.................
كان هنا
أسامه الشاعر