ومضـــــــــــــــــــــــــات

**أنثى شرقية** · 02-05-2009

گلب المنصه
خشب گلب المنصه وبالخجل بت بيت
أكو شاعر تشبگه وشاعرتسبه

أكو ديوان يقره وماتگله يعيد
وأكو لو يرفع ايده تصفگ الخشبه
.........

طلاّب
گوه عله النهرچف العطش كتّال
طگ جفن الورد وانفگست عيونه

أبّاص المدرسه رحنه الصبح طلاّب
وكل واحد بخشبه الظهر ردونه
........
أكبّر راسك

ماأسولف بيك واحسبلك حساب
آنه أعرف وزنك ومقياسك

أنته أصلا تافه وراسك زغير
وبس أسولف بيك أكبّر راسك

......

كسرت رگبتی
لاتحچی بعد ماتبچی العيون
ألك وأسترخصت منك صحبتي

كسرت خاطرك مو مشكله تهون
أحچلی بمشكلة كسرت رگبتی
........

دارمي مسنع
تموت من الشباب تريد أگلك ليش؟
وأوضحلك سبب بس رايدك تقنع

بس عمرك الشعري خمسه وتلاثين
وعمرك ماطلعلك دارمي مسنع
............
شفة جرح

مربيه نهر محتاج الك موت
يمته جروفي يرون بيك يمته؟؟

ماطاب الجرح لتشوفه ملموم
من کد الألم عظ أعله شفته
.............

بعدين الشعر
تگدر بچم فلس تشري المستحيل
بس تره الاخلاق ماإلهه سعر

سلّم القمه يريد العنده حيل
ويصعد باخلاق .. بعدين الشعر

ميثـــــــاق الهلالـــــي

**الشاعر ماجد الدعمي** · 02-05-2009

مجموعه رائعه من الومضات
شكرا لحسن اختيارك احلام
ودام لنا عطاؤك الثر وجهدك المميز
تحياتي لك ودمتي بخير

**ام فيصل** · 03-05-2009

مشكورة عزيزتي على هذا الإختيار الجميل
والشكر موصول للشاعر ميثاق الهلالي
ومضات جميلة
عاشت ايدج -- ودام العطاء
مودتي ....................... احلام

**أنثى شرقية** · 04-05-2009

اسعدني مروركم احبتي الغالين على قلبي
ربي لايحرمني من مروركم وتواصلكم الدائم
والابداع وجد بمروركم ومتابعتكم الكريمه

الف تحيه لكم مني
ابوي الغالي
وغاليتي ام فيصل