ابوذيات جديده لام مريم

[سفيره الشعر]

اتاني اخبار منك كلشي ماته


وعليه الناس بعدك كل شماته


بهجرك عدل ماظل كلشي ماته


الكلب والايد وجدامي سويه





نكتني وطاح دمعي وي نكته


وحرت من فاض عالخد وين اكته


هجرني وكال ماكو وينك انت


ولاجنه بشهر غايب عليه




الغيرك ماامد ايدي من احتاج



وجذب من كال لعيونك منحتاج


تاج الحسن قدملك منح تاج


على الحلوين شالك للثريه

[ابو سجاد الركابي]

جناس+معنى=سفيرة الشعر\تحياتي اليك\رائعه انت

[السومري71]

الغيرك ماامد ايدي من احتاج



وجذب من كال لعيونك منحتاج


تاج الحسن قدملك منح تاج


على الحلوين شالك للثري

باقه رائعه من الأبوذيات
شكرا لقلمك واحساسك
تحياتي

[عمار الغزي]

كلك جديد وابداع اختي الغالي
تحياتي لكي ولجميل ما جاد به
قلمك تقبلي مروري

[سفيره الشعر]

الغالي ابو سجاد الركابي

الغالي السومري


الغالي عماررر الغزي

شكراااااااااااااااااااااااا


لمروركم وتواجدكم المميز ياغالين

يامتالقين دمتم بود

[محمود شاكر الهلالي]

من روائع الابوذيه سيدتي العزيزه ام مريم

شكرا لك وتقبلي احلى تحيه

[سفيره الشعر]

الاخ محمود الهلالي


شكراااااااااااا


لتواجدك ومرورك المميز الرائع

دمت بود

[جمال الساير]

الروعة تحاصرُ حروفكِ

مبدعة دائماً أيها الراقية أم مريم

تحيتي لكِ