ليل و الغزل
...
فحط ليلك فرس يتغازله iiالخيال
نز طرف الزلف وچفوفك تلاوح
عفتني بحلگ روج الموت اغط مرات
انبگ مره الك وعيونك تمازح
شيترجه العثرغير الچفوف iiيريد
تالي اتعوز وماتگدر iiاتسامح
وگضه الليل وطفح شوگك بعد قاطات
من طگ القميص بصدرك الطافح
خدر حلگي وعگدت الساني الك شدات
وتيهت المذاق الماصخ ومالح
يالطعمك غريب وحرت اضوگه iiاشلون
وشفافك زبد فوكه العسل سايح
نثيه مكلشه وسبگ جنحهه اسيوف
كل شبگة بوريد وحازبه تذابح
تعبني الغرام ودرب شوگك طال
والكذله مهر من تهذب iiتواكح
ولك عرگت چفوفي وروحي ماعت بيك
وبظلمة لهفتي حجاجك يجادح
يلطبعك فجر ومغازلك نسمات
والبرحي اعله حلگك رايج ولاكح
من تجبل تخدر الماي اذا زعلان
وتشگ طوله سفينه الراچد وطافح
سهرت النجوم وسكرت الضحكات
چي خمرة شفافك من تمر بارح
ترف تتنگل الممشه اعله طرف الثوب
واردافك مهد من تهتز اتطاوح
</I>