الى امــــــــي

[عراقي هواي وميزة فينا الهوى]

الى امي .........

تذكرتج ييمه وصبت العين

والعايش غريب طلابته طلابه

لا خل لا اخو لاصاحب وياي

وتسله بدموعي الغدت سجابه

اتسله ويه طيفج من يجيني الليل

ويتيه الفكر ليليه بحسابه

تمنيتج ييمه هنانه يمي اليوم

وجفوفج تصوغ الجرحي عطابه

مرسوم الوطن يا يمه وسط العين

والبغداد يمه الروح طلابه

حرامي الجان راح واندعينه يروح

بس يمه اجتكم وادم ذيابه

ييمه اعله الوليمه اتنوح هاي الناس

ما تعرف وطن ما تحجي بمصابه

على رسم الفلس اتعوف حتى الدين

وتكفر بالعراق ومايه وترابه

يا يمه السوالف بيه محبوسات

خليني غريب وعايش بغابه

خليني اعله ناري وناري بالدلال

ولو نار البعد يا يمه لهابه

[عراقي أصيل]

والله الام مدرسة وشنقدمها
حتى لو عمرنا ما نوفيها
بارك الله بيك اخوية ماجد
قصدية رائعة ويارب ينطي لأمهاتنا طول
العمر والصحة الدائمة
مشكور اخوية ماجد على القصيدة


تحياتي



عراقي أصيل

[بصراوي مشاغب]

كلمات روعة بحق الام

الف شكر اخوي ماجد

والله لايوجد شي بهذه الدنيا

اعز من الام وحنانها نسال الله ان يجمعنا بها

تحياتي

[عراقي هواي وميزة فينا الهوى]

بصراوي مشاغب

شكرا على المرور
وينك انت
بعثت لك رسالة ولم استلم الرد

قصيده جميله

هل هذه القصيده من كتاباتك او مقتبسه

غريب

[نجمة في السما]

يسلمو ما في اعز من الام الله يرحمك يا امي وانتى وابي ويخلكم في فسيح جنانه

[rasha79]

الله يخلي الوالدين تاج على راسي ولا يحرمني منهم ويارب اني اشوفهم عن قريب
شكرا عالموضوع

[الحالمه]

الاخ الفاضل ماجد
كلمات اكثر من رائعة وتستحق التمييز
بالفعل كلماتك آثرت فينا المشاعر حتى البكاء
دام لنا قلمك المميز ولاتحرمنا من جديدك المميز .

من بعد اذنك سوف ادون هذه الكلمات في دفتري الخاص
مع خالص الشكر والتقدير