ابوذيــاتي //

[محتاره]

يلي بعيني طيفك ليل ونهار
غبت يومين عيني صبت انهار
اذا تجافيني اموتن رأسن انهار
واسلم روحي بيدي للمنيه


تعالوا وشوفوا حالي شلونه بلاه
اكضي الليل بلحسرات بلاه
احبه ما جذبت وقسم بلله
اوافي لون تدنيني المنيه


شجنت روحي معاكم غير ونهه
وسنيني الضاعت بفركاك ونهه
بعد ما رد الك وارفض وانهه
يحن كلبي لك يلساسك رديه


كضيت سنين منتظرك وتاني
ويحبك بس قهر منه اتاني
غصب عني الكلب يمك اتاني
وفزز كل جرح مضموم بيه


ذبت انه بهواك ولنت داري
وكلبك صار الي مسكن وداري
جم دوب انه اضل اكتم واداري
دمع عيني واضم علتي الخفيه
تح ـياتي

[الشاعر ماجد الدعمي]

محتاره الغاليه
شكرا لهذه الباقه الرائعه والجميله
دائما مشاركاتج مميزه
تحياتي
بس ممكن نعرف هي بقلمك او منقوله
وتحياتي لك

[ام فيصل]

مشكورة عزيزتي محتارة
عاشت ايدج
وياريت عزيزتي تلتزمون بالتنبيه الى مكتوب
والكتابة ام بقلك --- او منقول رجاءا
ولك تحياتي

[محتاره]

شكرا على مروركم

نورتم متصفحي

وانا كاتبه العنوان ابوذيــــــــــــاتي ومعناهه بقلمي

تح ـياتي

يلي بعيني طيفك ليل ونهار
غبت يومين عيني صبت انهار
اذا تجافيني اموتن رأسن انهار
واسلم روحي بيدي للمنيه


ابوذيات رائعه ومميزه
سلم لنا هذا الذوووووق

مشكورة يالغالي
على هذه الابداعات المميزة

مع تحياتي

[هاشم نجم]

ابيات ابوذيه روعه
عاشت ايدج محتاره
تحياتي لكي

[محتاره]

لكُمُ الورودُ تَنحَني ,,

تشَرّفتُ بمُرورِكُمُ العَطِر ....


تـــــح ــــيـــــاتـــــي

[هاشم نجم]

شكرا لكي محتاره على الابوذيات الحلوة
تقبلي مروري وتحياتي