انصار الحسين عليهم السلام

[أنثى شرقية]

وسط الگلب والعين ** يلّي نصّرتو حسين
الكم ذكر موجود ** يهل الكرم والجود
*****************
يا اصحاب الروح الطيبه والكرم منكم عنوانه
رمز العزه ورمز النخوه والايمان انتم ايمانه
بيكم دين الخالق يفخر وانتو العلّيتو بُنيانه
ضحيتو الروح ورخّصتو كل غالي النصرت مولانه
ظحّيتو بالارواح والوالي بيكم صاح
وفّيتو والله وزود يهل الكرم والجود
*******
موقفكم ذاك بيوم الطف ما ننساه وهاي اسنين
والوگفه الي سجلتوها بالتاريخ اتسر العين
والروح الي رخّصتوها لجل الدين ولجل حسين
وشنذكر منكم يا ساده وانتم اصبحتو بعليين
نخوه وشهامه وباس بيكم يرفعة راس
حبكم يضل ويزود يهل الكرم والجود
*******
بيكم ارض الطف افتخرت وبيكم يتباها الاسلام
وفيتو والله وكفيتو يهل السخاء والاكرام
ناصرتو لحسين الوالي وردعتو افلول الضلام
من دمكم روّيتو المذهب وبالثوره سرتو بأقدام
بيكم كمل هالدين والشيعه مفتخرين
بيكم ينعمه جنود يهل الكرم والجود
*********
شجعان انتم والحق يذكر والتاريخ ايضل شاهد
ماتخفه الاخبار بصحفه تاريخ الاسلام الخالد
انتم مبدأ وانتم ثوره يا رموزالجيل الصاعد
والعد يخطأ لو عدّينه الفضل البيكم متواجد
بيكم وصفنه ايحير ويخونه التعبير
انتم بلايه حدود يهل الكرم والجود
********
احرار وكل قطره بدمكم أتأيد انتم احرار
من شفتو الموت وما هبتو اخترتو الموت ولا العار
يعجز تعبيره الي يعبر عنكم وتشح الاشعار
لو راد يوصف من عدكم واحد يا افضل انصار
انتم على الانصار فقتو برضه الجبار
عنكم رضّه المعبود يهل الكرم والجود

......
ابو ايمان

[بنت البصرة الفيحاء]

بارك الله فيك اختي الغالية
احلام على نقلك لهذه القصيدة الرائعة بحق انصار سيدي
ومولاي الحسين
لك الاجر والثواب انشاء الله ويعطيك مرادك
ويشافي مرضاك ومرضى المؤمنين جميعاا
تقبلي مني كل الحب والود

[عمار الغزي]

بارك الله بك احلام وجزاك الله
خير جزاء المحسنين

[ام فيصل]

السلام على الحسين
وعلى علي ابن الحسين
وعلى اولاد الحسين
وعلى اصحاب الحسين

مشكورة عزيزتي
قصيدة فخر وعزة لهذه الثلة المؤمنة التي بذلت مهجها في سبيل نصرة الإمام
حشرنا الله وإياهم يوم الدين
وقضى الله حوائج الجميع بحقهم عند الله
مع تحياتي

[أنثى شرقية]

اسعدني مروركم يالطيبين ربي يوفقكم ويستر عليكم من كل مكروه
تحياتي لكم

انصار العدد السبعين ....... يا اوفة الصحابة الصرتوا لجل حسين
انصار العدد سبعين ...... اسود ارتجت الكاع وثبت للدين
انصار العدد سبعين ...... لبو السجاد صرتوا الدرع صرتوا العين
انصار العدد سبعين ..... صرتوا انتوا بسجد وبروح مو سبعين
انصار العدد سبعين ..... شهدت كربلة لثنين
انصار العدد سبعين ..... الكم شهدت وللي فكد جفين
يعني بالعدد لو نحسب السبعين ...... نلكة يسار بس ونلكة هم يمين
يعني انتوا الشمال وقادة الطيبين ..... والعباس راية ودرع بيد حسين
------------------------------------------
موفقة اختي وبارك الله فيكي على ما اقدمتي عليه من كل لمسة بال محمد واله ص
تحياتي وتقبلي مروري هذا ودمتي بالخير انشاء الله ....... القلب الاسير

[أنثى شرقية]

حياك الله اخوي الطيب ممنونه لمرورك الكريم
وجعلنا واياكم من خدمة اهل البيت عليهم السلام
تحياتي الك