لان بستك حبيبي تزعل وياي !!!

[عاشق عيونك]

لان بستك حبيبي تزعل وياي !!!
لان بستك حبيبي تزاعلت وياي
اسف موكتلك ما اكررهه

لو ادريك تزعل ماابوس شفاك
احسبهه على هالمرة عبرهه

معذور انه صدك لن جنت عطشان
وامطارك حلم بالكو تقطرهه

شفت كبالي زمزم وارتايت ارتاح
ومنهه انه شربت لحظات اذكرهه

حسيت الكسوف بكلبي صار بساع
وبعيني الشمس مكسور خاطرهه

وبضهري احس ذنوب ماتنشال
هاي ذنوب يمك بلكي تغفرهه

احس انه احس اعيوني بس كلمات
تكتبلك شعر هو انت شاعرهه

احس ضلوعي صارت بيه جن سيوف
هاك ضلوعي كلهه كبالي كسرهه

بيدك انت روحي وانه اريد الروح
خلي ايدك بدييه وروحي فجرهه

هيه اصلا الك اخذهه يمك دوم
سامحني والك هالروح انذرهه

غيبوبه وخذت مني الوعي بلحظات
وبوسة تحولت غيبوبتي اعذرهه

شمرتني اعله شفتك ميت بلاروح
غيبوبه وصغيره شبيك دعذرهه

اخذ مني التريده واعتذرلك جاي
هاي جروحي يله بملحك احفرهه

م&ن
تحياتي
عاشــــق عيونـــــــــــك

[محمد السوداني]

*******************
احس انه احس اعيوني بس كلمات
تكتبلك شعر هو انت شاعرهه

احس ضلوعي صارت بيه جن سيوف
هاك ضلوعي كلهه كبالي كسرهه
*************************
قصيدة رائعة عاشت ايدك ياذهب
انتقاء مميز مثلك يامبدع
تحياتي وتقديري الك اخويه الغالي عاشق

[ابو علي الصكر]

صدك عاشق عيون ...والنعم
قصيده جدا رائعه وتسلم ايدك ودامت هذه المشاعر الجياشه والاحساس المرهف 00
وعلى شان بوسه صارت عندك غيبوبه ((مساكين اهل الهوى شكثر تعبانين))
لك مني اجمل تحيه وود وتقدير
الصكر

[هاشم نجم]

بيدك انت روحي وانه اريد الروح
خلي ايدك بيديه وروحي فجرهه
هيه اصلا الك اخذهه يمك دوم
سامحني والك هالروح انذرهه

عاشت ايدك يا مبدع على هذه القصيده الرائعه والكلمات الحلوه
تقبل تحياتي ومروري اخي عاشق عيونك

[عاشق عيونك]

تسلم عيوني هاشم منور شكرا ع المرور



تحياتي