موطنه اغله وطن خيراته كثره شعب
شما كصه بيه الغدر وكطع وصاله شعب
يبقى ضياءه وهج بكهف اليالي شعب
بالخير بالغانمه مرتفع دومه علي
وشما بعدني السفر يبكه حنيني علي
ياوطن بيه حسين يارض بيهه علي
وشعب العراقي ابد ماالكه مثله شعب
____________________________
كالولي كلبك هوه كلت الكلب ما هوه
كالولي طاح الجبل كلت الجبل ما هوه
كالولي تعرف وطن كلت الوطن ما هوه
كالوا عليه انسطر وانصاب عقله وجن
وهمومي عني ابعدن وانوب ردن وجن
وحشاي وسط الجسم ابنار شبن وجن
لن الوطن للغرب وابن الوطن مــــاهوه
احنا ذوات العرف ما نقبل الفتنه
يخسى النذل لو على جمر الغضا فتنه
يا فاتن الشوق بدروب الهوى فتنه
لو شمرن فوق شملول الشجاعة نحب
ياما دعينا الخصم باكي بطرفة نحب
احنا عزاز النفس اللي يحبنا نحب
ومن فات عن حالنا عن حالته فتنه
رد مع اقتباس
