شعر زنجيلي

[عراقي هواي وميزة فينا الهوى]

يا صاح هذا الوكت مابيه صاحب وفي
بيه التجافي اشكثر والغدر وسطه وفيه
جنت بشتاك الشمس وبالصيف شجره وفي
جاليش هسه ولك لا تسأل ولاتنشد
كل دمعه مني حزن شعرا الك تنشد
احس روحي كومة سعف ما ظن بعد تنشد
وانوب انته تجي وتذب علي سله
لاعنب منك شفت لا حصلت سله
من يوم ضعنك رحل صاب الجدم سله
اصرخ بصوتي وافز بالليل جم مره
وما يوم طيفك خطف مامر علي مره
الدنيه يا صاحبي عكبك صفت مره
بيد الغشيم اصبحت والدين منه راح
اصبع ندامه اعض واصفك ابراحي راح
املاوح ويه الزمن مايوم عمري راح
مثل البلابل طبع بل احلى واجمل ورق
عشرتي وياك اصبحت عشرة كواغد ورق
انهاري ضيم وحزن والليل حسره ورق
واسهر واتاني الفجر واحسب انجومك وعد
كلما اعدهن ارد اغلط بعدهن واعيد
اتعهد اني الك من عندي تاخذ وعد
دور ابهذا الزمن ماتلكه صاحب وفي

[بنت العراق الحر]

مشكور
على الطرح المميززززززززززز

[عراقي هواي وميزة فينا الهوى]

شكرا يا جمانة