قتلتني الغربة وذبحني الفراق

[انجي العراقية]

ملف مرفق 2374
قتلتني الغربة وذبحني الفراق
اتذكر بيتنا واتذكر ذاك الزقاق
اللي كنت الهو واللعب فيه ويه الرفاق
مليت تره البعاد صعب وللقلب حراق
مليت البعد عنك ياعراق
مشتاق للعراقيين ولسوالفهم الجميلة
ولطبعهم العنودي وشهامتهم الجليلة
مشتاق لحضن هلي وناسي ومشاعرهم الرقيقة
ودفيء حضنج يا بغداد واخلاقج النبيلة
مليت البعد عنك يا عراق
حنيت لنهر دجلة وميه الصافي
وانوار شارع ابو نؤاس وهواه الدافي
حنيت لنهر الفرات وسمكه الوافي
وتمنيت اشرب ميه وامشي على ضفافه حافي
مليت البعد عنك يا عراق
ولهان على البصرة وأم القرى
والفاو اللي قاومت ودوخت العِدى
ولهان على الانبار وأم الربيعين نينوى
اللي تمنيت اسير فيها وانشد احلى الغنى
مليت البعد عنك يا عراق
تعبان وربي يشهد على حالي
لا تخافوا يوم لو شفتوني والدمع على سهادي
ولاتستغربوا لو فنيت له عمري ومالي
هذا العراق حبيبي وارخص له كل غالي
مليت البعد عنك يا عراق
*****
منقولـــ
تحياتيــ

قتلتني الغربة وذبحني الفراق


بعض الناس خارج العراق ويعتبرون انفسهم في غربه لكن ماذا نقول على الذي في نفس العراق ويعيش في غربه


شكرا لكِ اخت انجي كلمات مؤثره وجميله جدا


تقبلي تحيااااااااااااتي

[فلــــــه]

عاشت الايادي انجي دائما مبدعه ومتألقه
مشكووره عالشعر الجميل
تحياتي
.
فلــه

[طارق حداد]

قصيدة جميلة تسلم الايد الي كتبتهة انشالة كل متغرب يرجع الوطنة انشاله يعم السلام

[ابو علي الصكر]

الغربه صعبه في الاوطان والاصعب في وطنك 00
والله نعيش الغربه الاصعب 00شعور غريب يحسه المرء 00ان وطنه لم يحتويه00
موضوعك في منتهى الحساسيه 000
ابدعتي ودمتي
اخوك الصكر

نيالج علاقل تذكريين بيتكم

بس تسلمين اختي
والله صدك ملينه من الغربه
يعني ابجي لاني اريد ارجع للعراق واهلي يضحكون عليه اذا شافوني


تقبلي مروري