ابليس زعلان

[سعدالجابري]

قرر ابليس ترك البلاد العربية لانه برائيه العرب ميستاهلون واحد
يتعب وياهم
ساءلوه ليش؟
قال لانه اكثرهم ناكر للجميل اتعب وياه واعلمه كل اسليب الشيطنه اخليه يصعد على اكتاف الاخرين اعلمه التزوير والرشوة وشراء الاصوات اخليه يوصل لاعلى المناصب بس بعدين لمن يكعد
على الكرسي ينسى كل شي ويكتب وراه (هذامن فضل ربي)

[الحــر]

لا خطية ما يستاهل يكسرون هالشكل بخاطره
ايا بذاتين صدك ما عدكم صاحب ..!
عزيزي سعد شكرا لك
مع كل التقدير

[محمدالفتلاوي]

والله اخي العزيز تحجي الصدك لان حتى ابليس ما راح يقارش وي هل الكذابين
تحياتي

[فارس الهيجاء]

مرات يكولون اعوذ بالله من شر الشيطان الرجيم .. والمشكلة هما يعرفون بأنهم جنود هذا الشيطان وهنا ينكرون فضل الشيطان عليهم

تحياتي اخي الغالي

يولع بغاز ونرتاح من وسوسته

[فدك]

حتى وإن أدار ظهره عنه فإبليس لعنه الله لن يتوقف ولن توقفه عبارة "هذا من فضل ربي "
لإن لديه أرض خصبة للغاية سواء تحت أقدام صاحب الكرسي أو تحت أقدام حاشيته.
في النهاية أبليس والأشرار كلهم ضد المواطن العادي .والله يكفينا شر الأنس والجان.
بوركت أخي الفاضل سعد رائعة كيفية طرحكم هذه.

شكرا لك اخي سعد الجابري على انتقاءك هذا الموضوع المؤثر

بصراحه كلامك على الجرح

ولعنة الله على ابليس وعلى امثال ابليس


مع التقدير