المن كل سواليفك
وشدهن ورد بكليبي
اخاف يفرن من ايدك
واخاف من الشماته اطش طواريك
واحطن روحك بروحي والوليك
واكول ارتاح ياروحي
يابلسم النوح وبلسم جروحي
احس بدندنه تغني
واغفه انه بغناويك
يشدني الحب الك دنيه
واحطن ونتي يم ونتك واناغيلك
وظل اسهر واغنيلك
واصيرلك مشاعل حيل تضويلك
وتوجه على حيل الاه
يطب بسكوت ضيمي بنص الم ضيمك
وتموت الحسره والاحاه
واصيرلك طريق الشوك
مرخوص تردس فوك
كل اعضاي بس على كيفك
تتعبني وانه اشكيلك
تضحكني وانه ابجيلك
وتدري بالزمان الجار حيل وياي
تعال وياي تحن يهواي
اريدنك كحل للناس
وتصير الدوه وبلسم داي
واشيلن كل تعب دنياك
وحمل كل تعب دنياي
واشهك حيل ياروحي بمحاجيك
وطواريك اهن نسمات العذيبي
يطيبني ويهديني
وينسيني دواليبي ودواليبك
واهيمن بيك اسولف كل سواليفك
واهيمن بيك اسولف كل سواليفك
بقلمي