قبل كل شيْ بعد غد ان شاء الله سأذهب سيرا"على الاقدام الى كعبة الوفاء (كربلاء)وددت لو امشي على رأٍسي الى الحسين(عليه السلام) فمن يريد ان ادعي له تحت قبة سيد الشهداء
فليذكر اسمه اناخادمكم اعزائي
اعتذار القلم
ذب روحه القلم واعتذر للاوراق... من ناديت اريد اوصف المشايه
جف بيه الحبرماراد يكتب ليش... توجع عملتك ياسوده السوايه
كال اسمع اكلك وانتبه ياصاح... اريد تصير بذنك هاي الحجايه
عمي اكعدوبطل وانته هم معذور.. شما نكتب تره منكون وفايه
اجه رجال يمشي طالع من الفاو.. ماخذله عباة وعوده تجايه
يكلوله يعمي شجابك انته جبير.. عمرك عابر الستين ...بهوايه
دك بيه الكبر وانتقم منه الظيم.. يكلهم جاي لابن الزهره عنايه
اجت طفله تهرول كبل اهله تريد.. توصل للضريح تحقق الغايه
واخذ من جتف امه مهد ليه ونام.. طفل عمره سنه بيه امه حدايه
وطفل شد اعلى كصته الكونمن جلمات.. دوخ كل عقل بيه علم ودرايه
كاتب ب اعلى راسه الذله ابد هيهات.. منا تكون يا اعداء الولايه
مكرم جاي يتوجه على عكازات... ايه تريد ما تؤمن بهل ايه
مريه كاصده العباس من ميسان... طفح بيهه العتب جاباهه شجايه
تكله شلون زينب تطلع ويا اغراب... جان الهه الجفيل بزود حمايه
بريعان الشباب تعنه من ذي قار... يلطم بأيد وحده ووحده للرايه
ينادي بونه اه يالاكبر وجسام... دكلي بالورق هم تنوصف هايه
وهج كل الفرات الاوسط بفد يوم... زلم نسوان ما ظلت بالولايه
من بعد ما ضيفوا اهل الجنوب... وصاروا قسم فرشه وقسم غطايه
مريه تكول كلي انه فده لحسين... ب اولادي وبناتي ومالي فدايه
للقصيده تكمله ان شاء في وقت لاحق تأتيكم لأن كلما كتبت مستحيل اوصف خطوه من خطوات الزوار ...
عليك سلام الله مني ابدا ما بقيت وبقي الليل والنهار يا حسين