على غفلة

[فتاة الاحزان]

على غفلة القلب فز جنة بحلم

وكامت تتغير الوانه

على غفلة والحزن دك اعلة باب الروح
وراح..هو راح بس ماراح نيشانه
على غفلة والقلب يحجي وية العيون
وج دخلينة نشوف ياهو الاكثر احزانه
القلب كال.. انا الماشفت الفرح فد يوم
وشكد حملت هموم وظل ينبض حزن شريانه
نسيت النوم..واسيل ادموم انه تكول العيون
اباوع بالوجوه بس انا عميانه
يا قلب دخلينه سوه واحد يشكي للثاني
ساعة انت تواسيني وساعة انه
امسح بالدموع هموم لعليك
واشيل الحزن واخلي الفرح بمجانه
وتنشف بالصبر دمعاتي كل يوم
وفلان الرحل لابد يوم يلكانه
نسيت شكد فكدنه احباب
وك نسيت فلان وفلان وفلانه
مشت ايام واجت ايام
وماظل من المصاحب شكم واحد ويانه
دهرنه ويانه معاكس
واذا فد يوم اصبح زين ويانه
اعز اخواني فرقهم
والمصاحب يبعد عنه صحبانه
بسك وك يا قلب والمحبوب
رغم البعد ابد ما يوم ينسانه
ومثل ما تحن وتشتاك اله كل يوم
وك يظل يشتاكلك وبسمك يلهج السانه
بس رغم كل الحجيته وياك يظل الحزن
متربع اعله عرش الروح وابد ما يوم كام وفارك مجانه
لانه جبنه العمر لوعات
تعودنه اعله القهر والقهر حبانه
ومن كثر ما تحبه صار يهوانه
نظل ابحزن نعيش لفراكه

اذا فد يوم الحزن ما كعد ويانه

نروح المن بعد يا قلب وندك يا باب
والمحبوب هاليوم ايسد بيبانه
ابد ما عز علينه بساعت الشدات
وشنهو النريده شاله وانطانه
اله وياي وكفات الاخو الوفاي
واله وياي وكفات الصديق الماعاف صحبانه
يصحبانه..يصحبانه انت.. وهو.. وذاك
وذوله.. وهم.. وانه
اجينه انودع المحبوب
وك اجينه بروح ولهانه
اجينه بروح مكسومه نصين
نص حزنان بس الباقي فرحانه
بجينه..بجينه وحزنه هواي لفراكه
بس فرحنه من يلتم شمله هو واخوانه
اصبر يا قلب وصبر هالعيون
ما وكفت تراها تدور دنيانا
يكولون العدل يلكه العدل
شما دار الزمان شما طال هجرانه
وبعد اوصيك يا قلبي لا تنسه الوفه وياه
واعله ظهرك احفر حفر عنوانه

[cyranoo]

هلا بفتاة الاحزان
خاطرة جميلة جدا
تقبل تحياتي و مروروي المتواضع
اخوك سيرانو

[فتاة الاحزان]

شكرا جزيلا لك اخي على مرورك الطيب
تقبل تحياتي

[cyranoo]

تستاهلي منا كل كلمة طيبة لانك حقا مبدعة

[فتاة الاحزان]

هذا بس من ذوقك
اشكرك مرة ثانية وثالثة وعاشرة
تقبل تحياتي

[ارشيف الفرات]

الاخت الغاليه فتاة الاحزان
موضوع رائع ومشاركه قيمه
وانت تستحقين اكثر من الشكر والتقدير






الحقيقه قلمك تقدم كثيرا في منتدانا الرائع
وجهودك المبذوله
فاسمحي لي ان اقدم لك هذا الوسام
وهو وسام لقلمك المميز
وكتابتك الرائعه
اتمنى ان يروق قلمك دائما في مثل هذه المواضيع




دمتي بالف خير اختي الفاضله
تحياتي

[ارشيف الفرات]

والله هذا ابداع وروعه

مشكووووره اختي على هذا الكلام


تقبلي مروري

[خوخة الانباري]

مشكورررررررررة عيني فتاة الاحزان