دكـــــــــــــــــــــــــان الحــــــــــــــــــــــــــــــــــــــــــزن

[محمد عبود العبودي]

حاذر من زمن ومعثراته هواي
ياطير التعله وزاعلاه وكته
تطرد عالوكت والراح منك راح
ياحك الترده ودنيا بايكته
شك راس الحزن شيب الطلع بالراس
لو مثل الفجر هم نفرح بشكته
لا تفضح عبرتك لو كبالك ناس
علمنه الشمع كت الدمع سكته
اكو ناس اتونس لو تشوف دموع
ما ترحم بشر والعبره خانكته
اقنع بالمراره شما تزيد وياك
مادام الصبر من الزغر ضكته
شفتين الجرح ما تحجي غير الاه
لا تلجم جرح والامه شابكته
دكان الحزن حضرله كومه اقفال
من كلب المواجع طلع النكته
ولتكول النهار يطارد اعلى الليل
لا كول الظلام الشمس سابكته

بقلمي
محمد عبود العبودي

[الشاعر احمد الشويلي]

يسلم قلمك يامبدع وجدان روعة ونصيحة وعبرة لمن اعتبرويالها من عبرة ونصيحة
اتمنى لك الابداع المستمر انشاء الله
تقبل مروري اخي العزيز

اكو ناس اتونس من تشوف ادموع
ماترحم بشر والعبرة خانكته

[ام فيصل]

اقنع بالمراره شما تزيد وياك
مادام الصبر من الزغر ضكته
شفتين الجرح ما تحجي غير الاه
لا تلجم جرح والامه شابكته

صح لسانك عزيزي
وعاشت ايدك على هذه القصيدة الرائعة والإحساس المنثور الماً وغصة
احسنت التعبير وانتقاء المفردة

دام لنا هذا التميز
مع تحياتي لك

[سلام الدراجي]

اكو ناس اتونس لو تشوف دموع
ما ترحم بشر والعبره خانكته

الله وصح السانك يالعبودي وعاشب ايدك قصيده اكثر من رائعه دمت بخير

[أنثى شرقية]

شك راس الحزن شيب الطلع بالراس
لو مثل الفجر هم نفرح بشكته
لا تفضح عبرتك لو كبالك ناس
علمنه الشمع كت الدمع سكته
اكو ناس اتونس لو تشوف دموع
ما ترحم بشر والعبره خانكته
اقنع بالمراره شما تزيد وياك
مادام الصبر من الزغر ضكته


عاشت ايدك ياشاعرنا الرائع وصح لسانك خويه اجتي بالعضم قصيدتك يامبدع وبصراحه نزلن دموعي

ربي يوفقك
ودوم الابداع
تحياتي

[مريم جبران عودة]

معانٍ وجدانية صيغت بعبارات جميلة


بارك الله بهذا اليراع

ننتظر جديدكم

[الغربه]

مادام الصبر من الزغر ضكته

روووعه اخي الكريم واجدت التعبير
وتسلم محمد عبود العبودي
على هذه المشاعر وصدق الاحساس

[ام علاوي]

دام لنا هذا الابداع عزيزي
كلمات رائعه في معانيها
ننتظر ابداعك القادم بشوق
تحياتي
ام علاوي