البارحه احلمت حلم
ياهو اليفسره
جن انا وحبيبي بسفر
كاصد البصره
وصوت هلهوله وطبول
وزفه ودوشك السهره
وعلى اجتافي اتمرجحن
خصلات شعره
وجفوفي اتشابكن
مشابك المحتام
فوك خصره
وتاهت روحي ببحر
والروج اخذهه
بياوسيله اتعبره
.....................
خل يعرف قيس وجميل
وكل بني عذره
وعنتر المغرور بعبلته
وطول صبره
انه شمعه وذويت
بهوى السمره
طيف دغدغ جفوني
بهواهه...
آه وحسره
.........................
لون الشفته صدك
حلوه وياج هالعشره
وهد روحي سفينه
بروج عيونج محدره
وانزل غنه بطاريج
وسمعج غزل ..
قباني وشعره
وطش عمري بجروف
عشكج ...
نعناع عطره
وصيرن كحل بعيونج
يمازح جفنه ...
بكل خزره
وضويلج هلال..
لون تشتاكيللكمره
بقلم/ طالب الناصري