السلام عليكم اخوتي اخواتي الاعزاء
ذات يوم وانا في احد ردودي غلبني وجعي وحزني ..واثر ذلك في كتاباتي
لفت هذا الامر أنتباه..اختي الغالية (احلام في الانتظار) فقالت لي بالحرف الواحد:
(اليوم احسك حيل تعبان...لو ضايج احكيلي وحده منهن)
قالت هذا الكلام عفويا" ولا تدري انه كلام موزون..يصلح ان يكون قصيدة شعرية..
ولاني لم ارد عليها حينها قلت اليوم لها:
تعبان....
****
احسنك يغالي اليوم تعبان..
لو ضايج احجيلي وحده منهن
تسألني غريب بوسط عربان..
لا ليه كرابه بمعرفتهن.
المني هواج وكلبي خلصان
وايامي دقايق لو اعدهن
مثل صاحي يعاذل جني حلمان
وافكاري البعيده خاب ضنهن.
صدكيني بفراكج ماني ندمان..
لانه اسراركلبج مفتهمهن.
تلومين الكلب بهواج خلصان..
مضن ايام عمره وخلص عدهن.
غرامي ليج ما كو بجسد انسان
عليم الله حشاي حركنهن.
مثل يوسف الهامن بيه نسوان
وايديهن من غرامه كطعنهن.
اموتن حدر سلتكم يرمان..
عناكيد التدلن ذني منهن..
وانا الحالف بعد ما ريد نسوان..
أعيونج جننني من شفتهن.
احبج اي احبج واصدر اعلان
لاجل خاطر عيونج راح اودهن
*************
احزان الامير كانت هنا