بمشاعر لورضيت اطني اشــــاره
شعجب ساكت ولارديت الاجواب
جبتلك مشيه حلوه وبيه شـاره
وجمعلك بعد لورايد احبــــــاب
جاوبني بكلام وبيه امـــــــــــاره
حتى اكَلب الصفحه بهذا الكتاب
وذا موراضي كَلي بكل عبــاره
ووديلك قوافي الشعر اســــراب
وكَــــول الغالي مني اخذ ثاره
على غلطه ولامحسوبه بحساب
وجيبن عيني وي كَلبي اسـاره
ووكَفهن وكَـــــوف بعتبة الباب
وذا ماترضه مــــني اشن غاره
وجيبلك عشاير كــــــلهم اجناب
وانته بكيفك ترضه ويه أهل الفرات
الغالين لو ويه الناس الأغراب
تحياتي لكل من يترك كلمه
فيها رضى وموده وطيب خاطر
الشيخ ابوحيدر الشويلي
26|11|2010-11-26
بقلمي