قصيده من ديوان (في حب الحسين) خالد محمد مهدي الحجار

من للشيب الخضيب ** من للجسد التريب

يذكره ** ينصره ** من للجسد التريب
************
طعنه عله طعنه وسيف يذبح جرحه**سهام وحجر ورماح يبنن صرحه
من تذكره أتحس بحزن وبفرحه **نوره يشع بالكون ليله وصبحه
من للقلب الجريح**من للجسم الذبيح
يحضره **نصره ** من للجسد التريب
*************
بتكوينه مايقبل ذلّه وماينظام**تشهدله الوكافت الصلبه والايام
ماريضه الحر بطبعه عالظيم ينام**هيهاته صارت رايه بوجه الظلآّم
ذلّ عرش الطغات **بالحق والثبات
وصبره ** ينصره ** من للجسد التريب
*************
طوّع لوعة كلبه ولوعات عيونه**وشال الهم وحده بآلآمه عله متونه
واحد واحد تعرفهم كل ضنونه**ويحسب كل جرح ابكلبه من يطعنونه
هذا حال الامام ** دمُه راية سلام
وفخره ** ينصره ** من للجسد التريب
*****************
ماناسي فرضه وطاعة ربي المعبود **ماهمّه الجيش بوجها وهوً المقصود
بعمزمه وهمّه وراحة بال وعالي الزود**هل اليوم لازم للدين بدمّه يجود
والشاهد الايات **أحيا خلود الذات
وفجره ** ينصره **من للجسد التري
***********
خلاّها رايات العز ترف عالي**مر بيه الموت ابجم لحظه وميبالي
شاف الاكبر جاسم عباس الغالي **رافك كلمن منيته بحب الغالي

نفديك ياحسين ** روحُ قلبُ وعين
وبدره ** ينصره ** من لجسد التريب
************

صار الطف عنوان ألكل حر ومجده **ثابت اساسه بدمّه رغم الضدّه
لامثل حسين شفنه كبله وبعده**أصبح أروع مثل بتضيحته العهده
تبّتها الاوتاد** التاريخ الامجاد
القدره ** ينصره ** من للجسد التريب

[محسن المفرجي]

رائع يااخ خالد حشرك الله مع رسوله الكريم(ص)وال بيته الاطهار(ع)
شكرا لك

بسم الله الرحمن الرحيم
مروركم الكريم اسعدني
شكرا ممنون
الخادم// خالد محمد مهدي(ابو حسين)